Fréttir

26 feb 2010

Túskildingsóperan frumsýnd

Sólrisuleikritið Túskildingsóperan eftir Bertolt Brecht, í leikstjórn Hrafnhildar Hafberg, var frumsýnt í Edinborgarhúsinu í kvöld. Frumsýningargestir gerðu góðan róm að frammistöðu leikenda og annarra aðstandenda sýningarinnar í sýningarlok. Næstu sýningar á verkinu eru sem hér segir: Laugardaginn 27. febrúar, sunnudaginn 28. febrúar, þriðjudaginn 2. mars og fimmtudaginn 4. mars. Allar hefjast sýningarnar kl. 20:00 og er hægt að panta miða í síma 450-5565.
25 feb 2010

Sólrisuhátíð 2010

Hin árlega Sólrisuhátíð skólans verður sett föstudaginn 26. febrúar og stendur í rúma viku. Að vanda hefst setningarathöfnin á skrúðgöngu frá skólanum kl. 12 á hádegi. Gengið verður að Edinborgarhúsi þar sem boðið verður upp á létta hressingu. Sama dag verður innanhúsmót MÍ í fótbolta í íþróttahúsinu á Torfnesi og um kvöldið frumsýnir Leikfélag NMÍ Túskildingsóperuna í Edinborgarhúsinu. Fjölmargir viðburðir verða í boði alla vikuna og áhugasömum er bent á að kynna sér ítarlega dagskrá á solrisa.is en auk þess verða viðburðir kynntir hér á heimasíðu skólans.
26 jan 2010

Jöfnunarstyrkur

Opnað hefur verið fyrir umsóknir um jöfnunarstyrk vegna vorannar 2010! Umsóknarfrestur er til 15. febrúar næstkomandi. Hægt er að sækja um styrkinn í gegnum netbanka eða Innu, vefkerfi framhaldsskólanna.

Nemendur á framhaldsskólastigi sem ekki njóta lána hjá Lánasjóði íslenskra námsmanna eiga rétt á að sækja um styrk til jöfnunar námskostnaðar, sbr. reglugerð nr. 692/2003.

 

Eitt frumskilyrði fyrir styrk er að umsækjandi stundi nám fjarri lögheimili og fjölskyldu sinni.

Skilyrði fyrir styrknum er að nemandi hafi gengið til lokaprófs úr a.m.k. 12 einingum á önninni í reglubundnu dagskólanámi.

18 jan 2010

MÍ mætir MA í "Gettu betur"

Menntaskólinn á Ísafirði mætir Menntaskólanum á Akureyri í kvöld, mánudaginn 18. janúar, í spurningakeppni framhaldsskólanna "Gettu betur".
Keppninni er útvarpað á Rás 2 og hefst útsending kl. 20.30.

Lið MÍ skipa: Fanney Jónsdóttir, Silja Rán Guðmundsdóttir og Þorgeir Jónsson.  Liðinu er óskað velfarnaðar í keppninni.

Nemendur ætla að mæta á sal skólans í kvöld og til að hlusta á keppnina.
13 jan 2010

Dreifnám hefst

Áfangastjóri hefur nú sent öllum dreifnámsnemendum tölvupóst um upphaf dreifnáms.

Nemendur eiga að skrá sig í áfangana í Moodle (eins og þeir fengu upplýsingar um í tölvupóstinum). Dreifnámshópar í Moodle og Innu er merktir D (t.d. ÍSL 403D) nema ENS 503 sem er með dagskólanum.
22 des 2009

Upphaf vorannar 2010

Skólastarf vorannar 2010 hefst 4. janúar kl. 9.00 með ávarpi skólameistara á sal. Að ávarpi loknu fara nemendur til umsjónarkennara sem afhenda þeim stundaskrár. Þeir nemendur sem þurfa að fara í töflubreytingar fá númer hjá ritara, töflubreytingar hefjast klukkan 10:30 hjá áfangastjóra og námsráðgjöfum.
Skólameistari
21 des 2009

Dreifnám MÍ á vorönn 2010


 

Umsóknarfrestur um dreifnám skólans er til 7. janúar 2010.

 

Kennsla í dreifnámi hefst 11. janúar (frestast til 13. janúar)


 

Áfangi í boði í dreifnámi á vorönn 2010

DAN 203

ENS 203

ENS303

ENS 403

ENS 503

ENS 603

ÍSL 503

NÁT 103

NÁT 123

SÝK 103

STÆ 313

 

23 nóv 2009

MÍ sigraði Hraðbraut

Menntaskólinn á Ísafirði sigraði Menntaskólann Hraðbraut í Morfís, mælsku- og rökræðukeppni framhaldsskólanna, á laugardag. Umræðuefnið var "Það á að gera Vestmannaeyjar að fanganýlendu",  og MÍ-ingar voru meðmælendur. 

Lið MÍ skipuðu: Andri Pétur Þrastarson, Hreinn Þórir Jónsson, Svanur Pálsson, liðstjóri er Hermann Óskar Hermannsson og þjálfari er Gunnar Atli Gunnarsson, fyrrum ræðumaður MÍ.

Liðsmönnum er óskað til hamingju með glæsilegan árangur.
23 nóv 2009

Innritun á vorönn 2010

Innritun nýrra nemenda á vorönn 2010 er hafin.  Tekið er við rafrænum umsóknum á http://menntagatt.is . Þar sækja umsækjendur veflykil, fylla út umsókn og staðfesta umsóknina með því að smella á "SENDA INN UMSÓKN."

Einnig hægt að sækja um skólavist á skrifstofu skólans.

Umsókum verður svarað skriflega eftir 10. desember.

Innritun í dreifnám verður auglýst sérstaklega í desember.
18 nóv 2009

Morfís á laugardaginn í MÍ

 

 Lið Menntaskólans á Ísafirði keppir við Hraðbraut í Morfís mælsku- og rökræðukeppni framhaldsskólanna.

Keppnin frem fram á Sal skólans,  laugardaginn 21. nóvember kl. 20.30.

Húsið opnar 20:00 og hefst keppnin kl.20:30

Lið MÍ að þessu sinni er skipað: Hermanni Óskari Hermannssyni, Svani Pálssyni, Hreini Þóri Jónssyni og Andra Pétri Þrastarsyni. Umræðuefnið  "Það á að gera Vestmannaeyjar að fanganýlendu",


Búist er við mjög spennandi keppni. Nemendur eru hvattir til að mæta og styðja lið skólans. Einnig er annað áhugafólk um Morfís hvatt til að mæta.