Gleđileg jól

Menntaskólinn á Ísafirði óskar nemendum og starfsfólki gleðilegra jóla og þakkar samstarfið á árinu sem er að líða. Skrifstofa skólans verður lokuð það sem eftir lifir af árinu. Opnað verður aftur föstudaginn 2. janúar 2009 kl. 10:00.

Lok haustannar og útskrift

Nú líður að lokum haustannar. Prófsýning verður haldin í skólanum kl. 11:00 fimmtudaginn 18. desember. Föstudaginn 19. desember verður útskriftarathöfn í Ísafjarðarkirkju. Að þessu sinni útskrifast 29 nemendur með náms eða starfsréttindi. Sjö nemendur ljúka skjúkraliðanámi og 3 ljúka stúdentsprófi, þar af er einn nemandi sem jafnframt lýkur námi af sjúkraliðabraut. Einnig verða brautskráðir 12 vélaverðir smáskipa og einn nemandi lýkur 2. stigi í vélstjórn. Þá verða brautskráðir 7 nemendur af námsbraut í samfélagstúlkun og er það í fyrsti hópurinn sem lýkur því námi. Útskriftarathöfnin hefst kl. 14:00 og allir eru velkomnir.

Sjúkra- og endurtektarpróf

Þeir nemendur sem hyggjast þreyta sjúkrapróf eða eiga rétt á að endurtaka próf verða að skrá sig í sjúkra- og endurtektarpróf hjá ritara fyrir kl.15:00 mánudaginn 15. desember. Nemendur sem voru veikir í prófi verða auk þess að skila inn læknisvottorði vegna veikindanna til þess að hafa heimild til að þreyta sjúkrapróf.

Prófstjóri

Hádegistónleikar á sal

Tónlistarnemar í Menntaskólanum á Ísafirði efna til stuttra hádegistónleika í skólanum miðvikudaginn 26. nóvember kl. 12:10. Dagskráin er fjölbreytt og aðgengileg, m.a. verk eftir klassísku tónskáldin Bach, Franz Liszt, Poulenc en einnig lög af léttara taginu. Nemendurnir sem fram koma eru Arnar Hafsteinn Viðarsson (gítar), Ásgeir Helgi Þrastarson (gítar), Bjarni Kristinn Guðjónsson (rafgítar),Fabio Tafuni (píanó), Fjóla Aðalsteinsdóttir (þverflauta), Halldór Smárason (píanó), Jónbjörn Finnbogason (bassi) og loks hljómsveit skipuð Baldri Þ. Sigurlaugssyni (trompet). Smára Alfreðssyni (saxófónn), Baldri Hannessyni (gítar) Brynjólfi Óla Árnasyni (bassi) og Daða Má Guðmundssyni (trommur).

Tónleikarnir eru einnig opnir almenningi og eru allir hjartanlega velkomnir að koma í sal Menntaskólans á miðvikudaginn kemur kl. 12.10 til að hlusta á þessi efnilegu ungmenni.

Á fjórða tug nemenda Menntaskólans á Ísafirði stunda nú tónlistarnám í Tónlistarskóla Ísafjarðar, Tónlistarskólanum í Bolungarvík eða í Listaskóla Rögnvaldar Ólafssonar og fá það nám metið til eininga í sínu menntaskólanámi. Þessir tónleikar nú eru ekki síst ætlaðir til að kynna þetta nám fyrir kennurum og samnemendum þeirra í MÍ. Ef vel tekst til nú verður efalítið framhald á slíku tónleikahaldi í skólanum.

Heilrćđi fyrir próf

Jólapróf munu hefjast 1. desember og er próftaflan aðgengileg í INNU og hér á heimasíðunni. Til að nemendur geti undirbúið sig sem best undir próf er hér einnig að finna heilræði sem námsráðgjafar skólans hafa tekið saman. Námsráðgjafar skólans hafa ráð undir rifi hverju og geta aðstoðað nemendur við að skipuleggja sig fyrir próf. Einnig er mikilvægt að nemendur sem haldnir eru prófkvíða panti sér tíma hjá námsráðgjafa.

Menntamálaráđherra kynnir nýja menntastefnu á Ísafirđi

Þessa dagana er menntamálaráðherra á ferð um landið að kynna nýja menntastefnu og ný lög um þrjú skólastig og menntun kennara. Næsti fundur verður haldinn í Menntaskólanum á Ísafirði miðvikudaginn 19. nóvember kl. 20. Á fundinum mun Þorgerður Katrín Gunnarsdóttir, menntamálaráðherra, kynna nýja menntastefnu og Arnór Guðmundsson, skrifstofustjóri í menntamálaráðuneyti, kynnir nýja menntalöggjöf nánar. Að erindum loknum verða pallborðsumræður með málshefjendum ásamt Guðna Olgeirssyni og Sölva Sveinssyni, sérfræðingum í menntamálaráðuneyti. Fundarstjóri verður Halldór Halldórsson, bæjarstjóri Ísafjarðarbæjar og formaður Sambands íslenskra sveitarfélaga.

Fundurinn er öllum opinn og vill menntamálaráðuneytið hvetja skólafólk, foreldra, nemendur og annað áhugafólk um skólamál til að mæta og ræða nýja menntalöggjöf sem býður upp á mörg og spennandi tækifæri fyrir íslenskt skólakerfi.

Umsjónartími vegna prófa

Í fundartíma fimmtudaginn 21. nóvember eiga nemendur að hitta umsjónarkennara sína í umsjónarstofum. Farið verður yfir ýmis mikilvæg atriði er varða haustannarprófin sem eru framundan. Sérstaklega er mikilvægt að nemendur kanni stöðu sína vegna mætinga og hvort þeir hafa próftökurétt.

VAL VORANNAR

Nemendur bóknámsbrauta og sjúkraliðanemar eru minntir á að velja sér áfanga fyrir vorönn 2009. Hér eru leiðbeiningar með rafrænu vali í INNU.

Heimsókn frá Frakklandi

Nemendur frá samstarfsskóla okkar Lycée Sainte Marie du Port í Sable d´Olonne eru í heimsókn þessa vikuna. Þau komu á föstudaginn og verða hér fram á fimmtudag. Um helgina fóru þau m.a. á Hrafnseyri, í Dýrafjörð og á Flateyri og Suðureyri. Þau munu einnig heimsækja Bolungarvík o.fl á meðan á dvölinni stendur. Við vonum að þau njóti dvalarinnar en nemendur úr MÍ munu endurgjalda þeim heimsóknina í mars á næsta ári.

Gettu betur í vetur

Það voru þau Hallberg Brynjar Guðmundsson, Halldór Smárason og Þorgerður Þorleifsdóttir sem sigruðu í spurningakeppninni Gettu betur í vetur. Þau lögðu lið Ásgeir Guðmundar Gíslasonar, Hjalta Más Magnússonar og Stefáns Pálssonar í spennandi úrslitaviðureign. Áhugi og árangur keppenda hefur verið mikill í kringum keppnina og er tilvonandi þátttakendum í Gettu betur keppni framhaldsskólanna óskað góðs gengis.
Atburđir
« Nóvember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir

Vefumsjón