Markmið
Að nemendur:

• geti lesið sér til gagns og gamans um efni sem þeir þekkja til og/eða hafa áhuga á
• geti skrifað samfelldan texta um afmörkuð efni sem þeir þekkja til
• geti skilið þegar við þá er talað og náð efnisþræði þegar daglegt mál er talað á myndböndum og í kvikmyndum
• geti tekið þátt í samræðum um daginn og veginn

Námslýsing
Í áfanganum er lögð áhersla á að nemendur séu færir um að skilja allt venjulegt talað og ritað mál almenns eðlis. Áhersla er lögð á að orðaforði og lesskilningur nemenda aukist, svo og að þeir geti tjáð sig af lipurð munnlega og skriflega. Textar áfangans taka mið af unglingnum og umhverfi hans í víðum skilningi (t.d. skóli, vinir, sumarvinna, heimili og ferðalög). Í tengslum við þetta eru nemendur þjálfaðir í framburði og þeir læra að beita algengustu málfræðireglum um nafnorð, lýsingarorð og sagnorð. Nemendur fá þjálfun í að nota hjálpargögn og kennsluforrit í námi sínu. Danmörk og dönsk menning er kynnt.