• öðlist yfirsýn yfir bókmenntasögu 20. aldar
• átti sig á áhrifum erlendra menningarstrauma á íslenskar bókmenntir 20. aldar´
• þekki helstu hugtök sem tengjast bókmenntastefnum 20. aldar
• geri sér grein fyrir samspili bókmennta og þjóðfélagsbreytinga og hlutverki bókmennta í samfélaginu
• þekki nokkra helstu höfunda og verk tímabilsins
• þjálfist í lestri margs konar bókmenntaforma, leikrita, ljóða, smásagna og skáldsagna og túlkun þeirra
• geti greint formleg einkenni bókmenntaverka (bragarhætti ljóða, myndmál og stílbrögð, málsfarseinkenni)
• æfist í að gera grein fyrir viðfangsefnum sínum í ræðu og riti
  

Námslýsing:
Bókmenntir frá 1900 - 2000. Í áfanganum kynnast nemendur íslenskri bókmenntasögu 20. aldar í samhengi við strauma og stefnur í þjóðfélags- og menningarmálum bæði hérlendis og erlendis á sama tímaskeiði. Nemendur kynnast helstu höfundum á þessum tíma, lesa verk eftir þá, glöggva sig á inntaki bókmenntaverkanna og reyna að átta sig á erindi þeirra við eigin samtíma og nútímann. Nemendur gera grein fyrir lestrarreynslu sinni munnlega og skriflega.