Í hádeginu þann 30 nóvember verður jólastund í Ísafjarðarkirkju. Kór MÍ mun þá syngja nokkur jólalög undir stjórn Bjarneyjar Ingibjargar og Hermann Ási leikur með á píanó. Þá munu félagar úr leikfélagi NMÍ flytja stutta dagskrá. Af þessu tilefni verður hringt út kl. 12 og nemendur og starfsfólk ganga til kirkju.  

Vélfræðingur óskast til kennslu á A- og B-stigi vélstjórnar við Menntaskólann á Ísafriði á vorönn 2012. Upphafstími ráðningar er 1. janúar 2012. Umsóknarfrestur er til 30. nóvember 2011. Í MÍ er áhersla lögð á mjög góða samskiptahæfni og þátttöku starfsmanna í öflugu þróunarstarfi í kennsluháttum. Laun eru samkvæmt gildandi kjarasamningi KÍ og stofnanasamningi MÍ.

Umsækjendur þurfa að hafa löggild réttindi í viðkomandi kennslugrein sbr. lög nr. 87/2008. Umsóknir þurfa ekki að vera á sérstökum eyðublöðum og er öllum svarað þegar ákvarðanir um ráðningar liggja fyrir. Umsókn ásamt staðfestu ljósriti af prófskírteinum skal senda til skólameistara jon@misa.is sem veitir allar nánari upplýsingar í síma 450-4400 eða í vasasíma 896-4636. Umsókn getur gilt í sex mánuði frá því að umsóknarfresti lýkur.

                                  

Jón Reynir Sigurvinsson

Skólameistari

Nemendur eru minntir á að velja sér áfanga fyrir vorönn 2012. Námsráðgjafar aðstoða við valið ef þörf krefur. Allir sem ætla að stunda nám í skólanum á vorönn þurfa að velja sér áfanga og síðasti dagur vals er þriðjudagurinn 1. nóvember. Eftir það geta nemendur ekki valið sjálfir í INNU og ekki er víst að þeir komist í þá áfanga sem þeir helst kjósa.

Fimmtudaginn 27. október eiga nemendur að hitta umsjónarkennara sína í fundartíma og velja sér áfanga fyrir komandi vorönn. Nemendur velja í gegnum INNU og leiðbeiningar um það hvernig á að velja er að finna hér fyrir neðan. Mikilvægt er að nemendur fylgi framvindu sinna brauta. Leiðbeiningar fyrir verknám og bóknám og upplýsingar um það hvaða áfangar eru í boði eru hér fyrir neðan.

Leiðbeiningar vegna vals í INNU
Framvinda verknáms
Framvinda bóknáms
Bóknámsáfangar í boði

Miðannarmat er nú aðgengilegt í INNU. Til að sjá matið smellið þið á miðannarmat undir námið, vinstra megin á síðunni. Eftirfarandi skali er notaður til að meta vinnu nemenda:

Einkunn	Mat
A	Ágætt. Nám í afar góðum farvegi, nemandi hefur staðið sig vel bæði í verkefnum og á prófum.
G	Gott. Nám í góðum farvegi, nemandi hefur  staðið sig þokkalega bæði í verkefnum og á prófum.
S	Sæmilegt.  Nemandi þarf að bæta námsvinnu.
O	Óviðunandi. Námsvinnu verulega ábótavant og stefnir í óefni.