ENSK1TL03 - Enska fyrir starfsbraut
Áfangalýsing:
Helstu atriði í grunn-ensku, þ.m.t. einföld málfræði, grunn-orðaforði og einfaldur málskilningur tekin fyrir í verkefnum og virkni sem hentar nemendum með skerta færni. Skoðaðar verða enskar bókmenntir og kvikmyndir auk annarra þátta sem stutt gætu við enskt, talað mál. Verkefnavinnu er haldið í lágmarki og miðað við að hver fái verkefni við sitt hæfi.
Forkröfur: Engar
Markmið:
Nemandi skal öðlast þekkingu og skilning á:
- Einföldum orðaforða miðað við byrjanda í enskunámi
- Tengslum orða við hluti og hugmyndir
- Einfaldri enskri málfræði
- Einföldum, sértækum orðaforða t.d. í kvikmyndum og hljóðvarpi
Nemandi skal hafa öðlast leikni í að:
- Beita einföldum orðaforða í námi og daglegri umræðu
- Ræða og rita um ólíka, einfalda hluti
- Persónubeygja einfaldar sagnir
Nemandi skal geta hagnýtt þá þekkingu og leikni sem hann hefur aflað sér til að:
- Tengja hluti við ensk orð
- Geta gert sig skiljanlegan á einfaldri ensku
- Tala við jafningja sína á grunn-ensku