ENSK3YN05 - Enska - yndislestur

Áfangalýsing

Áfanginn gengur út á að nemendur lesi enskan texta sér til ánægju og yndisauka. Lögð er áhersla á sjálfstæð vinnubrögð nemenda þar sem þeir nýta tímann til lesturs og verkefnavinnu sem tengist textanum. Nemendur velja sér fimm bækur, lesa þær og skila inn skýrslum. Nemendur bera sjálfir ábyrgð á að útvega sér lesefni. Nemendur geta sjálfir ákveðið hvaða bækur þeir lesa en þó með ákveðnum reglum sem skýrðar eru í námsáætlun.

Forkröfur: ENSK3HO05

Markmið:

Nemandi skal hafa öðlast þekkingu og skilning á:

• mismunandi tegundum bókmennta

• enskum bókmenntum og samfélaginu eins og það birtist í bókmenntum

• orðaforða sem gerir honum kleift að tileinka sér með góðu móti lesefni í áframhaldandi námi eða starfi

Nemandi skal hafa öðlast leikni í að:

• lesa bókmenntatexta sér til gagns og gamans

• skilja meginefni óstytts bókmenntatexta

• vinna með nýjan orðaforða

Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig á ensku um efni sem hann hefur kynnt sér til hlítar

• átta sig á samfélagslegri skírskotun og ná duldum boðskap og hugmyndum

• tjá rökstudda afstöðu og taka þátt í málefnalegri umræðu um bókmenntir