HLGS2MT05 - Hlífðargassuða 1

Í áfanganum lærir nemandinn MIG/MAG-suðu í efnisþykktum 2 – 6 mm og TIG-suðu í efnisþykktum 1 – 3 mm. Lögð er áhersla á að nemandinn öðlist grunnfærni og þekkingu á suðuaðferðum, að hann þekki mun á þeim, kostum þeirra og göllum og geti soðið stál, ryðfrítt stál og ál. Farið er yfir öryggisbúnað s.s. hlífðarfatnað og hlífar, hættur og helstu varúðarráðstafanir vegna þeirra.

Forkröfur: 

Markmið:

Nemandi skal hafa öðlast þekkingu og skilning á:

• gastegundum og gasblöndum sem notaðar eru við suðu á stáli, áli og ryðfríu stáli

• hlutverki hlífðargass og réttum stillingum

• öllum hlutum suðubyssu og leiðara fyrir MIG/MAG og TIG

• virkni suðutækja, drifbúnaði og pólun

• virkni viðnámsspólu í MIG/MAG og TIG suðutækjum

• ýmsum gerðum kveikinga í MIG/MAG og TIG-suðuvélum

• brunahættu vegna straumleiðara

• helstu hættum og varúðarráðstöfunum vegna geislunar, hita, reyks, ósonmyndunar og eldfimra efna

• hlífðarfatnaði og hlífum við vinnu

Nemandi skal hafa öðlast leikni í að:

• meðhöndla búnað til suðu

• setja rúlluvír í suðutæki

• nota TIG- og MIG/MAG suðu til að sjóða saman hluti í ýmsum suðustöðum s.s. PA-BW, PA-FW og PF-FW

• gegnumsjóða þunna stálplötu öðru megin frá

• nota hlífðarfatnað og öryggisbúnað

Nemandi skal geta hagnýtt þá þekkingu og leikni sem hann hefur aflað sér til að:

• stilla suðutækin, þ.e. straum, vírhraða, spennu og viðnám

• velja rétta spíssa

• stilla gasflæði, velja gashulsu og skaut

• velja hlífðarbúnað og hlífar í samræmi við aðstæður
• meta algengustu suðugalla og greina orskakir þeirra