HÖNN2HE05 - Hönnun og endurnýting
Áfangalýsing:
Í áfanganum verður kennd meðferð textílefna. Nemendur vinna textílverkefni út frá og upp úr eldri textíl sem má blanda með nýju efni. Kennari leggur inn verkefni tengd tísku og endurvinnslu. Farið verður í efnisfræði, sníðagerð og ólíkar aðferðir til að glæða textíl nýju lífi. Nemendur vinna verkefni meira og minna sjálfstætt í tímum og í samvinnu við kennara. Nemendur temja sér ábyrgan hugsunarhátt gagnvart fatnaði og textíl almennt.
Forkröfur:
Markmið:
Nemandi skal öðlast þekkingu og skilning á:
- Hugmyndavinnu
- Undirbúningi verkefna
- Notkun verklýsinga
- Einfaldri sniðagerð
- Hvernig ein grunnhugmynd getur átt sér margar útfærslur
- Hvernig bútasaumur er notaður bæði á hagnýtan og listrænan hátt
- Ýmsum aðferðum við að gera áferð á efni
- Störfum samtaka eins og t.d. Rauða Krossins
Nemandi skal hafa öðlast leikni í að:
- Skrá hugmyndir á myndrænan hátt
- Vinna eftir verklýsingu
- Skrá verklýsingu jafnóðum og verk er unnið
- Skilja samband milli hugmyndar, hráefnis, tækni, aðferða og niðurstöðu
- Skilja einfalda sniðagerð
- Nota form og munstur í eigin hönnun á skapandi hátt
- Skilja út á hvað endurvinnsla gengur
Nemandi skal geta hagnýtt þá þekkingu og leikni sem hann hefur aflað sér til að:
- Geta komið hugmyndum sínum á blað
- Vinna eftir verklýsingu
- Útbúa eigin verklýsingu
- Nota einföld snið og breyta þeim eftir eigin þörfum
- Þróa hugmyndir sínar með skissuvinnu og tilraunumog yfirfæra þær í fullbúið verk af öryggi
- Tileinka sér frumleika og sjálfstæði í vinnubrögðum
- Nýta sér almenna þekkingu á endurvinnslu, að hafa skilning á mikilvægi hennar fyrir samfélagið sem heild og út frá því að skapa eitthvað nýtt og nýtilegt
- Greina, tjá sig um og meta eigin verk og annarra af nokkurri þekkingu, víðsýni og umburðarlyndi