ÍSLS1FS03 - Íslenska með áherslu á fjölmiðlalæsi og upplýsingatækni
Áfangalýsing:
Í áfanganum er áhersla á að vekja áhuga nemenda á fjölmiðlum, fréttum og hvað ber hæst í þjóðfélagsumræðunni hverju sinni. Unnið er með ólíka fjölmiðla s.s. dagblöð, útvarp, sjónvarp, netmiðla og tímarit. Nemendur læra um gildi, tilgang og muninn á ólíkum miðlum. Nemendur skoða fjölmiðla í sögulegu samhengi, hvernig þeir hafa breyst og reyna að átta sig á hvernig framtíðin verður í fjölmiðlum. Einnig er unnið með ljósmyndir og auglýsingar í fjölmiðlum. Staða íslenskunnar í fjölmiðlum á íslandi og á netinu er skoðuð sérstaklega.
Forkröfur:
Markmið:
Nemandi skal öðlast þekkingu og skilning á:
- fjölbreytni í fjölmiðlum og hverjum þeir eiga að þjóna
- ólíku málfari fjölmiðla
- ólíkum tilgangi fjölmiðla
- uppbyggingu dagblaða s.s. ritstjóraspjall, forsíða, smáauglýsingar, slúðurfréttir o.fl.
- fjölmiðlum í sögulegu samhengi
- hvar hægt er að finna efni í fjölmiðlum sem höfðar til hvers og eins nemanda
- gildi auglýsinga og hvað gerir þær áhugaverðar og grípandi
Nemandi skal hafa öðlast leikni í að:
- nota ólíka fjölmiðla ýmist á netinu, í útvarpi, í sjónvarpi og á prenti
- finna efni í fjölmiðlum sem höfðar til hans
- fylgjast með áhugaverðu fréttatengdu efni
- flétta upp fréttatengdu efni og vita hvar hægt er að leita að og finna efni
Nemandi skal geta hagnýtt þá þekkingu og leikni sem hann hefur aflað sér til að:
- Nemandi skal vera fær um að nýta þekkingu og leikni sína til að:
- fylgjast með fréttatengdu efni
- þekkja fjölbreytta fjölmiðla
- átta sig á hvað hver fjölmiðill stendur fyrir