ÍÞRÓ1LH01 - Íþróttir og lýðheilsa - bóklegur áfangi

Áfangalýsing:

Í áfanganum er farið yfir hvernig nemendur geta stundað heilbrigðan lífsstíl til framtíðar, mikilvægi hreyfingar og leiðir til að rækta líkama og sál. Farið yfir leiðir til líkamsræktar. Farið yfir mataræði og fæðubótaefni. Nemendur læra að gera áætlun til að fylgja eftir í hreyfingu, setja sér markmið og nota netsíður sér til gagns.

Forkröfur: Engar

Markmið:

Nemandi skal öðlast þekkingu og skilning á:

  • að setja upp áætlun um hreyfingu fyrir sjálfan sig
  • helstu þáttum í þjálffræði s.s. þolþjálfun og styrktarþjálfun
  • að hafa skilning á hvað er hollt mataræði
  • að hafa skilning á notkun fæðubótaefna

 

Nemandi skal hafa öðlast leikni í að:

  • setja upp áætlun byggða á ólíkum aðferðum til þjálfunar
  • geta fylgt eigin áætlun í æfingum
  • geta tileinkað sér hollt mataræði hafi hann áhuga á því
  • geta lesið utan á umbúðir matvæla og fæðubótaefna sér til skilnings

 

Nemandi skal geta hagnýtt þá þekkingu og leikni sem hann hefur aflað sér til að:

  • stunda hreyfingu til líkamsræktar sem hann hefur sjálfur skipulagt
  • hugsa um eigið heilbrigði með hollum lífsháttum
  • meta og mæla eigið líkamsástand út frá tölulegum staðreyndum