ÍÞRSVIÐ2ÞJ05 - Íþróttasvið - með áherslu á þjálffræði

Áfangalýsing:

Nemendur stunda markvisst og skipulega afreksþjálfun í íþrótt sinni 4x eða oftar í viku með sérhæfðum þjálfara eða fagaðila auk teygjutíma 1x í viku. Í áfanganum er einn bóklegur tími á viku þar sem farið verður í þjálffræði. Í áfanganum verður snert á viðfangsefnum eins og liðleika, þolþjálfun, styrktarþjálfun, snerpuþjálfun, hraðaþjálfun, tækniþjálfun og þjálfun samhæfingar. Áfanginn er bæði bóklegur og verklegur.

Forkröfur: Engar

Markmið:

Nemandi skal öðlast þekkingu og skilning á:

  • mikilvægi góðrar upphitunar, teygju og bandvefslosunar
  • mismunandi gerðum þjálfunar og því hlutverki sem hver gerð gegnir

 

Nemandi skal hafa öðlast leikni í að:

  • útskýra ólíkar gerðir þjálfunar hvað varðar liðleika, þol, styrk, snerpu, hraða, tækni og samhæfingu
  • nálgast upplýsingar á veraldavefnum til þess að nýta sér í þjálfun.
  • nýta þekkingu sýna á æfingum og keppnum til þess að auka afkastagetu sína.

 

Nemandi skal geta hagnýtt þá þekkingu og leikni sem hann hefur aflað sér til að:

  • taka sjálfstæðar ákvarðanir og vera gagnrýnin á upplýsingar er varða hreyfingu og þjálfun