KVIK2HM05 - Skapandi heimildamyndir

Í áfanganum kynnast nemendur grundvallaratriðum í gerð heimildamynda og ólíkum stílbrögðum. Nemendur horfa á ólíkar heimildamyndir, rýna í þær og ræða í hópi. Nemendur fá tækifæri til að þjálfa færni til að vinna hugmynd í form heimildamyndar og skoða og greina eigið samfélag. Nemendur vinna að sjálfstæðu verkefni, skrifa handrit, taka upp myndefni og klippa saman upptökurnar svo úr verði mynd. Lögð er áhersla á að þjálfa næmni og skilning á samfélaginu í kringum okkur og miðla því á sjónrænan máta.

Forkröfur: FÉLV1IF05

Markmið:

Nemandi skal öðlast þekkingu og skilning á:

• ólíkum stílbrögðum heimildamynda

• grunnferli kvikmyndagerðar, þar á meðal hugmyndavinnu, handritsgerð, töku og klippingu.

• hlutverki heimildamynda í samfélaginu og hvernig þær spegla og túlka viðfangsefni.

Nemandi skal hafa öðlast leikni í að:

• greina og rýna í heimildamyndir með tilliti til frásagnar, stílbragða og fagurfræði.

• framkvæma hugmyndavinnu og þróa hana í handrit að stuttri heimildamynd.

• tala upp heimildamyndatengt myndefni með viðeigandi tækni og vinnubrögðum bæði í samvinnu og einstaklingsvinnu

• klippa saman upptökur í heildstæða frásögn og beita grunnatriðumeftirvinnslu.

Nemandi skal geta hagnýtt þá þekkingu og leikni sem hann hefur aflað sér til að:

• nýta kvikmyndamiðilinn til að tjá eigin sýn á samfélagið og vinna úr raunverulegum viðfangsefnum.

• skrifa handrit að heimildamynd.

• sýna skapandi nálgun við að móta og miðla sjónrænni frásögn.

• geta unnið sjálfstætt að heimildamyndaverkefni frá hugmynd til lokaafurðar.

• túlka samfélagsleg málefni af næmni og gagnrýnni hugsun og miðlað þeim með ábyrgum og meðvituðum hætti.