MYNL2ST05 - Skúlptúrteikning

Áfangalýsing:

Í áfanganum er unnið með mikilvægi teikningar sem undirbúning að framkvæmd skúlptúrs og hvernig koma má tvívíðum skissum í þrívítt form. Leitast verður við að kynna nemandanum fyrir fjölbreyttum vinnuaðferðum í skúlptúrgerð og kynna hann fyrir listamönnum sem vinna með miðilinn. Nemandinn heldur utan um skissur og verkefni með skipulögðum hætt t.d. ljósmyndun verka. Auk þessa vinna nemendur rannsóknarverkefni í hópum sem þeir kynna fyrir samnemendum sínum.

Forkröfur: MYNL2FF05

Markmið:

Nemandi skal öðlast þekkingu og skilning á:

  • hugtökum um þrívídd, skúlptúr, lágmynd, myndbygging og rými.
  • eigin vinnuferli frá hugmynd að fullunnu verki.
  • grunnaðferðum afsteyputækni.
  • þrívíðri myndlist í nærumhverfinu og þekki höfunda hennar.
  • ýmsum stefnum og stílbrigðum í þrívíðri myndlist.
  • helstu efnum og aðferðum í gerð þrívíðra myndverka.

 

Nemandi skal hafa öðlast leikni í að:

  • móta verk í þrívídd með mismunandi aðferðum.
  • vinna þrívítt útfrá tvívíðum skissum.
  • beita mismunandi aðferðum og tækni í tilraunum og skissugerð.
  • meðhöndla efni og verkfæri til þrívíðrar myndsköpunar.
  • þróa þrívíð verk út frá eigin hugmyndum og tilraunum.
  • beita aðferðum sem nýtast í hugmyndavinnu, framsetningu verkefna og skipulagningu á verkferli og útfærslu verka sinna.
  • nota skissubók og að skrá hugmyndir.

 

Nemandi skal geta hagnýtt þá þekkingu og leikni sem hann hefur aflað sér til að:

  • nýta hæfni sína í listræna vinnu og sköpun.
  • þroska færni sína og skilning á list og/ eða hönnun.
  • geta opnað augun fyrir hinum hversdagslegu hlutum í umhverfinu og nýtt þá í listsköpun.
  • ræða um og rökstyðja þær hugmyndir sem hann túlkar í verkum sínum.
  • velja efni við hæfi til úrvinnslu þrívíðra verka.
  • sýna áræðni og frumkvæði við útfærslu í þrívíðri vinnu.
  • nýta sér sköpun, ímyndunarafl, innsæi og tilfinningar við þróun hugmynda, skissuvinnu og úrvinnslu.
  • fjalla um og meta eigin verk og annarra á upplýstan og greinargóðan hátt og gera grein fyrir forsendum.
  • greina áherslur og stílbrigði merkingar í rýmis- og efnisnotkun þekktra listamanna.