PLÖV3SM05 - Plötuvinna 3

Að áfanganum loknum eiga nemendur að geta smíðað eftir nákvæmum vinnuteikningum smíðagripi úr 5 –12 mm plötujárni og prófílum og notað til þess algengustu vélar til plötuvinnu, s.s. vals, beygjuvél, plötu- og prófílklippur. Ennfremur geta þeir skipulagt vinnu sína m.t.t. krafna um hagkvæmni, gæði, öryggi og umhverfi.

Forkröfur: Engar

Markmið:

Nemandi skal hafa öðlast þekkingu og skilning á:

• helstu efnisflokkum smíðastáls.

• helstu vélum og verkfærum sem notuð eru við plötusmíði.

• þekkja helstu efniseiginleika ryðfrís stáls.

• algengustu skurðaraðferðum.

• hve rétt vinnuröð við gerð smíðahluta er mikilvæg.

• helstu aðferðum við réttingu á stáli.

• öryggismálum sem tengjast vinnu við plötujárn.

• hlífðarbúnaði sem við á þegar unnið er með vélum og verkfærum sem notuð eru við plötusmíðar.

• vörnum gegn hávaðamengun.

• vörnum gegn loftmengun.

• hlífðarfatnaði og hlífum.

Nemandi skal hafa öðlast leikni í að:

• nota allar algengar málmsmíðavélar, verkfæri og hjálparbúnað sem þeim fylgja og geta beitt honum til nýsmíða úr plötum og prófílum.

• framkvæma málmskurð með gas- og plasmaskurðartækjum.

• rétta plötu- og stangarefni með algengum kald- og hitaréttingaraðferðum.

• smíða gripi úr plötum og prófílum eftir nákvæmum vinnuteikningum.

• vinna efnislista út frá teikningum og verklýsingum.

Nemandi skal geta hagnýtt þá þekkingu og leikni sem hann hefur aflað sér til að:

• smíða nýtt úr plötum og prófílum.

• lesa teikningar og vinna eftir þeim.

• framkvæma málmskurð með gas- og plasmaskurðartækjum með málfrávikum ± 1 mm.

• rétt plötu- og stangarefni með algengum kald- og hitaréttingaraðferðum.

• beita helstu vélum og verkfærum sem notuð eru við smíði úr ryðfríu efni.

• geta skipulagt vinnu sína m.t.t. krafna um hagkvæmni og gæði.