RLTK2RK04 - Raflagnateikning 1
Áfangalýsing:
Nemendur öðlast hæfni í að lesa, túlka og búa til einfaldar raflagnateikningar fyrir íbúðarhúsnæði.
Unnið er með viðeigandi staðla og reglugerðir ásamt því að teikna handvirkt með skapalóni fyrir raflagnatákn, í samræmi við fyrirkomulag sveinsprófs.
Nemendur kynnast öryggisreglum, inntakslögnum, greinateikningum, táknum og uppsetningu einlínumynda fyrir rafmagnstöflur.
Lögð er áhersla á nákvæmni, fagleg vinnubrögð og notkun helstu staðla við hönnun og framsetningu raflagna.
Forkröfur:
Markmið:
Nemandi skal öðlast þekkingu og skilning á:
- helstu teiknitáknum og notkun þeirra við hönnun raflagna
- uppbyggingu og tilgangi einlínumynda og greinateikninga
- staðli og helstu ákvæðum ÍST 150, ÍST 151 og ÍST 200
- reglum um öryggi, spennujöfnun og frágang við raflagnahönnun
- efnistöku og samantekt efnislista út frá teikningu
Nemandi skal hafa öðlast leikni í að:
- handteikna raflagnateikningar með skapalónum og réttri táknnotkun
- túlka og lesa teikningar með áherslu á greinar, tákn og lagnaleiðir
- vinna sjálfstætt að hönnun raflagna í fjölbreyttum rýmum
- skrá efni og setja fram efnislista með tilliti til magnmælingar og frágangs
- setja fram skýringartexta með teikningum samkvæmt viðteknum reglum
Nemandi skal geta hagnýtt þá þekkingu og leikni sem hann hefur aflað sér til að:
- vinna sjálfstætt og af nákvæmni að raflagnateikningu í íbúðarhúsnæði
- beita faglegu verklagi og fylgja öryggisreglum við vinnu
- sýna ábyrgð, verklag og skipulag í vinnu við teikningu og efnistöku