RRVV2RK05 - Rafvélar 1

Lýsing

Áfangalýsing:

Í áfanganum er farið í uppbyggingu og virkni jafnstraums- og riðstraumsmótora, helstu hugtök, merkingar og staðla sem tengjast rafvélum. Nemendur læra um tengingar, afl, nýtni og algeng stýringartæki eins og mjúkræsi og tíðnibreytar.
Áhersla er á bóklega kennslu, en eftir fremsta megni verður reynt að nýta verklega kennslu eftir því sem aðstæður og búnaður leyfa. Nemendur fá einnig þjálfun í grunnmælingum sem nýtast við bilanagreiningu mótora, m.a. einangrunarmælingu og mælingu á vöfum.

Forkröfur: 

Markmið:

Nemandi skal öðlast þekkingu og skilning á:

  • Uppbyggingu og virkni jafn- og riðstraumsmótora.
  • Helstu hugtökum, merkingum og táknum sem tengjast rafvélum.
  • Hlutverki tíðnibreyta og mjúkræsis í mótorstýringum.
  • Afl-, nýtni- og hraðaútreikningum.
  • Öryggisreglum við tengingu og vinnu með rafvélar.

 

Nemandi skal hafa öðlast leikni í að:

  • Tengja einfasa- og þrífasa mótora samkvæmt teikningu.
  • Setja upp tíðnibreyti og mjúkræsi.
  • Framkvæma einangrunarmælingar og mælingar á vöfum til bilanagreiningar.
  • Framkvæma afl- og nýtniútreikninga með mælingum.
  • Nota viðeigandi verkfæri og mælitæki með öryggi og nákvæmni.

 

Nemandi skal geta hagnýtt þá þekkingu og leikni sem hann hefur aflað sér til að:

  • Setja upp, tengja og keyra rafmótora samkvæmt teikningum og öryggisreglum.
  • Framkvæma helstu mælingar, þar á meðal einangrunarmælingar og vafamælingar, til að greina bilanir.
  • Framkvæma afl- og nýtniútreikninga út frá mælingum.
  • Greina vandamál í mótorum og stýringum og leggja til úrbætur.
  • Starfa sjálfstætt og í hópi með ábyrgð, og kynna niðurstöður úr verkefnum á skýran hátt.