SÆNS2NC05 - Sænska fyrir sjálfstæðan notanda II
Áfangalýsing:
Áfanginn er kenndur á sænsku og eru öll námsgögn á sænsku. Allir fjórir færniþættirnir, lestur, ritun, hlustun og tal, eru þjálfaðir markvisst. Undirstöðuatriði sænskrar málfræði eru rifjuð upp. Áhersla er lögð á hagnýtan munnlegan og skriflegan skilning. Auk þess á áfanginn að styðja almenna kunnáttu um sænskumælandi menningu, sögu og samfélag. Áfanginn á áfram að stuðla að því að nemandinn verði betri lesandi.
Forkröfur: SÆNS2NB05
Markmið:
Nemandi skal öðlast þekkingu og skilning á:
- almennum orðaforða sem tengist efni áfangans
- helstu málfræðiatriðum í sænsku og geta nýtt sér þau í rituðu og mæltu máli
- ýmsum sviðum sænska tungumálsins, samfélagi og sögu
- notkun hjálpargagna s.s. orðabóka
- samspili og þróun Norðurlandamálanna
- lesa fjölbreytta texta sem tengjast efni áfangans
Nemandi skal hafa öðlast leikni í að:
- lesa fjölbreytta texta sem tengjast efni áfangans
- skilja talað mál á eðlilegum hraða um bæði kunnuglegt og minna kunnuglegt efni
- tjá sig um valin málefni og geta tekið þátt í samræðum
- skilja skrifað mál um bæði kunnuglegt og minna kunnuglegt efni
- beita gagnrýnni hugsun
Nemandi skal geta hagnýtt þá þekkingu og leikni sem hann hefur aflað sér til að:
- eiga munnleg og skrifleg samskipti og aðlaga tungumálið samkvæmt efni, markmiði, aðstæðum og viðtakanda
- kunna að skoða innihald í munnlegu og skriflegu tungumáli með gagnrýnni hugsun
- setja sænskuna í samhengi við önnur Norðurlandamál og önnur tungumál sem nemendur kunna
- íhuga eigin tungumálakunnáttu
- þróa með sér sjálfstæð vinnubrögð, ábyrgð og trú á eigin getu í sænsku
- nýta grundvallaratriði sænskrar málfræði í ritun og tali