SAGA3ÞM05 - Þjóðarmorð og þjóðernishreinsanir
Áfangalýsing:
Í áfanganum verður valdir atburðir úr mannkynssögunni skoðaðir út frá skilgreiningunni þjóðarmorð, þjóðernishreinsanir og/eða ofsóknir. Áherslan verður á þátt opinberra aðila og ráðamanna í tengslum við slíka voðaatburði. Refsingar og nútímastríðsglæpadómstólar verða einnig til umfjöllunar og hlutverk þeirra skoðað. Nemendur eiga að kynna sér ýmis þjóðarmorð og voðaverk sem framin hafa verið á rúmum hundrað árum, einkum af opinberum aðilum eða ríkisstjórnum.
Forkröfur: SAGA2MÍ05
Markmið:
Nemandi skal öðlast þekkingu og skilning á:
- hugtakinu þjóðarmorð, hvenær það varð til, hvers vegna og hvernig það er skilgreint.
- þjóðernishreinsunum og geti skilgreint hugtakið
- stríðsglæpadómstólum og hvernig þeir starfa
- helstu þjóðarmorðum/voðaverkum sem tengjast efninu, átti sig á umfangi þeirra, orsökum og afleiðingum
Nemandi skal hafa öðlast leikni í að:
- beita sjálfstæðum vinnubrögðum við öflun heimilda og úrvinnslu þeirra
- tjá sig í ræðu og riti um efni áfangans, rökræða efnið og geta miðlað því á fjölbreyttan máta
- skilgreina þau hugtök sem áfanginn fjallar um
- greina áreiðanleika heimilda og upplýsinga sem er að finna um efnið
- lesa fræðilega texta á íslensku og erlendum málum um efni áfangans
Nemandi skal geta hagnýtt þá þekkingu og leikni sem hann hefur aflað sér til að:
- skilgreina orsakir þessara voðaverka, gera sér grein fyrir afleiðingum þeirra bæði staðbundið og á heimsvísu
- átta sig á hvers vegna leiðtogar og hópar hvetja til voðaverka gegn þjóðum, þjóðarbrotum og etnískum hópum