STÆR2LT05 - Stærðfræði - tölfræði, talningar og líkindi
Áfangalýsing
Meginviðfangsefni áfangans skiptist í fjóra þætti sem eru lýsandi tölfræði, talningar og líkindafræði, líkindadreifingar og fylgni.
Forkröfur: STÆR2GS05
Markmið
Nemandi skal hafa aflað sér almennrar þekkingar og skilnings á:
- hugtökum úr lýsandi tölfræði
- hugtökum á flokkun og lýsingu á gögnum
- mismunandi tegundum myndrita
- skilgreiningu á miðsækni og dreifingu
- hugtökum sem lýsa miðju og dreifingu gagna
- hugtökum úr líkindafræði
- líkindadreifingum
- fylgnihugtakinu
Nemandi skal hafa öðlast leikni í að:
- búa til tíðnitöflu í Excel
- nýta Excel til tölfræðireikninga
- búa til myndrit fyrir gagnasöfn
- nýta talningareglurnar þrjár
- reikna út líkindi
- nota líkindadreifingar
- reikna fylgni
Nemandi skal geta hagnýtt þá almennu þekkingu og leikni sem hann hefur aflað sér til að:
- skilja merkingu og tengsl hugtaka í námsefninu og geta unnið með þau.
- geta hagnýtt sér stærðfræðilega þekkingu til að velja þær reikniaðferðir sem við eiga hverju sinni til að leysa verkefni og beita þeim rétt.
- dregið ályktanir (túlkað) tölfræðilegar niðurstöður, m.a. að geta túlkað fylgnistuðla.
- átta sig á tengslum ólíkra aðferða við framsetningu tölfræðilegra viðfangsefna og gera greinarmun á nauðsynlegum og nægjanlegum skilyrðum fyrir lausnum verkefna.
- skrá niður lausnir sínar skipulega og útskýra þær skilmerkilega fyrir öðrum.
- geta meðtekið og túlkað útskýringar og röksemdir annarra í mæltu máli og í texta og geta skipst á skoðunum við aðra um lausnaraðferðir.
- geta greint og hagnýtt upplýsingar á sviði stærðfræði á viðkomandi þrepi í fjölmiðlum.
- leysa stærðfræðileg viðfangsefni í öðrum námsgreinum og í daglegu lífi með því að beita gagnrýninni og skapandi hugsun.