UMÖR1MS01 - Vinnuöryggisfræði

Áfangalýsing:

Í áfanganum læra nemendur að fara eftir öryggiskröfum, t.d. um vinnu í hæð, hífingar, verkpalla og notkun flutningatækja og persónuhlífa, gera hættumat og setja öryggisreglur samkvæmt vinnuumhverfisvísum málm- og rafmagnsiðnaðar, kynnast viðbragðsáætlun um brunavarnir og vita hvernig á að bregðast við samkvæmt henni og fara eftir reglum um meðferð spilliefna og úrgangs.

Forkröfur: Engar

Markmið:

Nemandi skal öðlast þekkingu og skilning á:

  • hugtökum er varða umhverfi og aðbúnaðarmál í víðum skilningi.
  • helstu tegundum mengunar og uppruna þeirra.
  • aðbúnaði og hollustuháttum á vinnustöðum.
  • vinnulöggjöf og ábyrgð sinni á vinnustað.

 

Nemandi skal hafa öðlast leikni í að:

  • undirbúa og skipuleggja verkferla með tilliti til öryggis og umhverfis.
  • nota persónuhlífar og öryggisbúnað.
  • tryggja vinnusvæði á viðeigandi hátt.
  • beita réttri meðferð og notkun á hífingarbúnaði.

 

Nemandi skal geta hagnýtt þá þekkingu og leikni sem hann hefur aflað sér til að:

  • skipuleggja verk frá hönnun til afhendingar með öryggis- og umhverfissjónarmið að leiðarljósi.
  • fara að lögum og reglum sem lúta að öryggis- og umhverfissjónarmiðum.