UPPT1UV05 - Upplýsingatækni og vefsíðugerð

Áfangalýsing:

Í áfanganum þjálfast nemendur í notkun töflureiknis (Excel) og hugbúnaðar til ritvinnslu (Word), glærugerðar (Powerpoint) og tölvupóstssamskipta (Outlook). Þá verður farið í leit á Netinu og hvernig meta á gögn sem finnast við slíka leit. Einnig kynnast nemendur einfaldri vefsíðugerð með fyrirfram sniðnu vef-viðmóti (Wix). 

Forkröfur: Engar

Markmið:

Nemandi skal hafa aflað sér almennrar þekkingar og skilnings á:

• notkun töflureiknis og hugbúnaðar til ritvinnslu.
• glærugerð og tölvupóstssamskiptum.
• leit á Netinu og hvernig meta á gögn sem leitað er eftir.
• einfaldri vefsíðugerð.

Nemandi skal hafa öðlast leikni í að:

• vinna í þeim hugbúnaði sem kennt er á.
• fylgja fyrirmælum við vinnslu verkefna í viðkomandi hugbúnaði.
• setja upp og ljúka verkefnum samkvæmt fyrirmælum.
• vista skjöl sem hann vinnur með á viðeigandi stað.
• leita að gögnum og meta gæði þeirra.
• útbúa einfaldar vefsíður með texta og myndum.

Nemandi skal geta hagnýtt þá almennu þekkingu og leikni sem hann hefur aflað sér til að:

• nota þann hugbúnað sem kennt er á á sjálfstæðan hátt.
• nýta hugbúnaðinn við aðrar aðstæður, í skóla og starfi.
• finna upplýsingar og gögn sem nýtast honum í námi og starfi.
• búa til einfaldar vefsíður.