VEÐU2SA04 - Sjóveðurfræði - grunnur

Áfangalýsing:

Í þessum áfanga kynnast nemendur grunnþáttum veðurfræðinnar, þ.e. samspili þeirra náttúrufyrirbæra sem stjórna veðri og veðurbreytingum. Fjallað er um áhrif veðurs á sjólag og öryggi á sjó. Áhersla er lögð á að nemendur öðlist nægilega haldgóða þekkingu og færni í veðurfræði til að þeir geti, á grundvelli upplýsinga um veður og veðurútlit, lagt mat á veðurhæð og sjólag með tilliti til sjósóknar eða siglinga.

Forkröfur: Engar

Markmið:

Nemandi skal öðlast þekkingu og skilning á:

  • Eðlisfræðilegum þáttum sem orsaka veður og veðurbreytingar.
  • myndun háþrýstisvæða og lágþrýstisvæða og áhrifum þeirra á veður.
  • sérkennum veðurkerfa almennt.
  • veðurkerfum á Norður-Atlantshafi og við Ísland.
  • daglegri og árlegri sveiflu í hitastigi og þróun vinda með tilliti til hitamismunar.
  • þróun raka og skýjamyndunar til þokumyndunar.
  • veðurskilyrðum þar sem skipi kann að vera hætta búin að því er varðar sjólag, hættu á straumhnútum eða vegna hættu á ísingu, háð stærð þeirra og gerð.
  • samspili vinds og sjólags.
  • spásvæðum við Ísland.

 

Nemandi skal hafa öðlast leikni í að:

  • Afla upplýsinga um veðurspá.
  • nota veðurathugunartæki um borð í skipum og gera veðurathuganir með þeim.
  • skrá og meta innihald veðurskeyta.

 

Nemandi skal geta hagnýtt þá almennu þekkingu og leikni sem hann hefur aflað sér til að:

  • Nýta sér upplýsingar um veður og veðurspár eða veðurkort til að meta aðstæður til sjósóknar og siglinga.