Skólabyrjun vorannar 2026

Árið 2026 er nú hafið og vorönn Menntaskólans á Ísafirði er að fara af stað eftir jólafrí.

Heimavist skólans opnaði aftur sunnudaginn 4. janúar og í dag, mánudaginn 5. janúar, opnaði skrifstofa skólans á ný. Nemendur geta nú nálgast stundatöflur sínar á INNU og undirbúið sig fyrir upphaf annarinnar.

Vorönn skólans verður sett formlega þriðjudaginn 6. janúar. Nemendur mæta í Gryfjuna klukkan 11:30 þar sem setning fer fram. Kennsla hefst í kjölfarið samkvæmt stundatöflu klukkan 11:50.

Skólastjórnendur minna jafnframt á mikilvægar dagsetningar í janúar sem nemendur þurfa að hafa í huga:

• Töflubreytingum lýkur 9. janúar
• Úrsögn úr áföngum er heimil til og með 14. janúar
• Lokafrestur til að skrá sig í útskrift í vor er 16. janúar.

Nemendur eru hvattir til að kynna sér þessar dagsetningar vel og tryggja að allar skráningar og breytingar séu gerðar innan tilskilinna tímamarka.