Áfangalýsing:
Í þessum áfanga er farið yfir grunnatriði í tengslum við varmafræði, hreyfingu hluta í fleti, hringhreyfingu. Þyngdarlögmálið, sveiflu- og bylgjuhreyfingar og bylgjur í fleti. Nemendur vinna bæði sjálfstætt og í hópum og lögð er áhersla á sjálfstæði og ábyrgð nemandans á eigin námsframvindu.
Forkröfur: EÐLI2AF05
Markmið:
Nemandi skal hafa öðlast þekkingu og skilning á:
- eðlisvarma, varmarýmd og fasaskiptum.
- hreyfingu og hröðun hluta í fleti.
- hringhreyfingu hluta.
- þyngdarlögmálinu og áhrifum þess á hreyfingu reikistjarna.
- einföldum sveifluhreyfingum.
- hljóðbylgjum og Dopplerhrifum.
- bylgjum í fleti, hljóðbylgjum og ljósi.
Nemandi skal hafa öðlast leikni í að:
- vinna með tölur og vigra í eðlisfræði.
- reikna út varmaskipti.
- reikna hreyfingu hluta í fleti, t.d. skáköst.
- reikna miðsóknarhröðun hluta í hringhreyfingu.
- reikna hreyfingu reikistjarna og gervihnatta.
- reikna bylgjulengd, tíðni og hraða bylgna.
- reikna út Dopplerhrif hljóðbylgna.
- beita lögmálum og jöfnum við að leysa verkefni af ýmsu tagi.
- útbúa og framkvæma verklegar æfingar af nákvæmni og meta niðurstöður mælinga.
- vinna skýrslur úr verklegum æfingum og setja fram niðurstöður á skýran hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
- meta hvort niðurstöður mælinga og útreikninga séu raunhæfar.
- draga ályktanir út frá niðurstöðum verklegra æfinga og miðla þeim til annarra.
- tengja eðlisfræði við raunveruleg viðfangsefni og gera sér grein fyrir notagildi hennar.
- skýra fyrir öðrum og ræða um þau eðlisfræðilegu fyrirbæri sem hann hefur kynnst.
- beita gagnrýninni og skapandi hugsun við lausn verkefna úr námsefninu.
- sýna sjálfstæði í vinnubrögðum og bera ábyrgð á eigin námsframvindu.
