Áfangalýsing:
FRAN1AG05 er frönskuáfangi fyrir byrjendur. Markmið með áfanganum er að gefa góða undirstöðu til notkunar og þekkingar á frönsku sem tungumáli og frönskumælandi menningu og samfélögum. Kennslan á að stuðla að almennri tungumálameðvitund hjá nemendum um hvernig maður lærir tungumál í formlegri kennslu og utan hennar. Mikil áhersla er lögð á að nemendur þjálfist í réttum framburði og er þeim þætti sinnt bæði með hlustun og talæfingum.
Forkröfur: Engar
Markmið:
Nemandi skal hafa aflað sér almennrar þekkingar og skilnings á:
- þeim orðaforða sem nauðsynlegur er til að ná leikni- og hæfnimarkmiðum þrepsins.
- helstu grundvallarþáttum fransks málkerfis: tónfalli, framburði og málfræði.
- einföldum samskiptum og tjáningu í mæltu og rituðu máli.
- ýmsum sviðum franska tungumálsins, samfélagi og hversdagslífi.
- að nýta sér endurgjöf.
Nemandi skal hafa öðlast leikni i að:
- heyra og skilja ákveðin atriði, eins og t.d. tölur, í franskri samræðu á hægum hraða.
- geta notað aðferðir til að styðja samskipti og leysa vandamál á frönsku þegar tungumálakunnáttan er ekki nægileg.
- geta spurt og svarað spurningum um þekkta atburði í nútíð.
- ræða við aðra á frönsku í daglegu lífi.
- geta skilið ritað mál og svarað einföldum spurningum úr textum.
Nemandi skal geta hagnýtt þá almennu þekkingu og leikni sem hann hefur aflað sér til að:
- þróa með sér sjálfstæð vinnubrögð, jákvæðni og trú á eigin getu í frönsku.
- takast á við nokkrar algengar aðstæður í almennum og daglegum samskiptum á frönsku.
- fylgjast með og geta endursagt aðalatriði í frásögnum og ná aðalatriðum úr fjölmiðlum og myndum ef efnið er mjög kunnuglegt.
- leggja mat á eigin frammistöðu í verkefnavinnu.
