Áfangalýsing:

Farið er í gegnum ferlið frá hugmynd að áþreifanlegri frumgerð. Kennt er á tvívíð og þrívíð teikniforrit sem henta fyrir frumgerðasmíð og framleiðslu. Verkefni eru síðan framkvæmd í tölvustýrðum vélum og fleiri möguleikar smiðjunnar kynntir.

Forköfur: Engar

Markmið:

Nemandi skal hafa aflað sér almennrar þekkingar og skilnings á:  

• Fab Lab smiðju.
• stafrænni framleiðslutækni.
• tvívíddar og þrívíddarhönnun, teikningum.
• Hugbúnaði fyrir tvívíða og þrívíða hönnun.
• skrásetningu með heimasíðu. 

Nemandi skal hafa öðlast leikni í að:  

• nota teikniforrit.
• útbúa rafræn skjöl fyrir vélar í Fab Lab.
• nota laserskurðartæki.
• nota þrívíddarprentara.
• nota fræsivél.

 Nemandi skal geta hagnýtt þá almennu þekkingu og leikni sem hann hefur aflað sér til að:  

• geta komið hugmynd sinni á það form að mögulegt sé að framleiða hana: gera teikningar og ákvarða efnisval og framleiðsluaðferð.
• greina orsakir galla sem fram koma í framkvæmd og mæla fyrir um aðgerðir til úrbóta.
• geti unnið og framleitt verkefni í laserskera, tölvustýrðum fræs og þrívíddarprentara.