Markmið
Að nemendur:

• geti áttað sig á megininntaki texta og lesið sér til gagns
• geti leitað eftir tilteknum upplýsinum í uppsláttarritum eða í rafrænum texta og notað leitarvefi til að afla sér upplýsinga á dönsku
• hafi lesið 2 hraðlestrarbækur af venjulegri lengd
• geti nýtt sér hagnýtar upplýsingar sem heyrast við ákveðnar aðstæður
• skilji atburðarás í frásögnum sem tengjast orðaforða efnisflokkanna
• hafi tilfinningu fyrir framburði allra hljóða, áherslum og hrynjandi málsins
• geti tjáð sig með orðræðu þar sem eru bæði aðal- og aukasetningar
• geti skipst á upplýsingum við aðra á dönsku
• geti notað grunnorðaforða, sem unnið hefur verið með í efnisflokkunum, á eigin forsendum í nýju samhengi
• geti skrifað viðstöðulaust u.þ.b. 30 línur á 10 mínútum um efni sem búið er að vinna með
• geti í flokki nafnorða beitt: hljóðvarpi, brottfalli, einföldun, tvöföldun, eignarfalli
• geti í flokki sagnorða beitt: hjálparsögnum, öllum kennimyndum allra algengustu sagna
• geti beitt óreglulegum endingum lýsingarorða

Áfangalýsing
Í áfanganum er lögð áhersla á að nemendur séu færir um að skilja allt venjulegt talað og ritað mál almenns eðlis. Dönsk menning er kynnt og áhugi á henni vakinn. Áhersla er lögð á að orðaforði og lesskilningur nemenda verði aukinn, svo og að þeir geti tjáð sig af lipurð munnlega og skriflega. Nemendur eru þjálfaðir í framburði og réttritun og læra að beita algengustu málfræðireglum. Nemendur fá þjálfun í að nota hjálpargögn og kennsluforrit í námi sínu.