MÍ úr leik í MORFÍS

MÍ keppti í gærkvöldið við lið Verslunarskóla Íslands í undanúrslitum MORFÍS. Keppnin var afar jöfn og spennandi og aðeins munaði 32 stigum á liðunum. Svo fór að Verslunarskóli Íslands bar sigur úr býtum. Við óskum Verslingum innilega til hamingju með sigurinn. Lið okkar fær mikið hrós fyrir drengilega keppni og góða frammistöðu en liðið skipuðu Hákon Ernir Hrfnsson, Ingunn Rós Kristjánsson, Veturliði Snær Gylfason og Þórður A. Úlfur Júlíusson.

Undanúrslit í MORFÍS í kvöld, MÍ-Verslunarskóli Íslands

Í kvöld kl. 20:00 í Gryfjunni í MÍ fara fram undanúrslit í MORFÍS. Þá tekur ræðulið MÍ á móti ræðiliði Verslunarskóla Íslands. Allir eru velkomnir meðan húsrúm leyfir.

Valtímabil 16. - 21. mars

Fimmtudaginn 16. mars til þriðjudagsins 21. mars stendur yfir valtímabil fyrir haustönn 2017. Nemendur sem ætla sér að vera við nám í skólanum á haustönn þurfa að velja sér áfanga. Kynning á valinu fer fram í fyrirlestrarsalnum (stofu 17) kl. 10:10 fimmtudaginn 16. mars og í fundartímanum þann sama dag er hægt að fá aðstoð við valið. Einnig er hægt að panta tíma hjá áfangastjóra eða náms- og starfsráðgjafa til að fá aðstoð við valið. Allar frekari upplýsingar um valið má finna hér.

Háskólakynning 9. mars milli kl. 11 og 13

Á morgun, fimmtudaginn 9. mars, munu allir háskólar landsins sem og Háskólasetur Vestfjarða, kynna námsframboð sitt sem telur yfir 500 námsleiðir. Nemendur, kennarar og námsráðgjafar verða á staðnum. Kynningin fer fram í Gryfjunni milli kl. 11 og 13. Háskólakynningin er opin öllum.

Sólrisuvika og Gróskudagar

Prjónasmiđja
Prjónasmiđja
« 1 af 5 »
Sólrisuvikan er nú í fullum gangi. Sýningar á leikriti ganga fyrir fullu húsi, Útvarp MÍflugan sendir út á tíðninni fm101 og margvísleg önnur dagskrá er í boði. Þá standa yfir Gróskudagar í skólanum þar sem nemendur taka þátt í ýmsum smiðjum, fróðlegum og skemmtilegum. Á meðfylgjandi myndum má sjá brot af þeim fjölbreyttu smiðjum sem í boði eru.

Forinnritun 10. bekkinga

Dagana 4. mars - 10. apríl fer fram forinnritun 10. bekkinga á síðunni www.menntagatt.is. Allir 10. bekkingar á Íslandi eiga að hafa fengið upplýsingar um forinntritun afhentar í sínum grunnskólum. Foreldrar og forráðamenn eiga sömuleiðis að hafa fengið sendar upplýsingar heim um innritunina. Lokainnritun 10. bekkinga fer síðan fram 4. maí - 10. júní. Allar upplýsingar um nám í boði við Menntaskólann á Ísafirði sem og inntökuskilyrði má finna hér.

Sólrisuvikan ađ hefjast

Sólrisuvikan hefst á morgun, föstudaginn 3. mars,  með skrúðgöngu frá MÍ í Edinborgarhúsið. Um kvöldið verður síðan Sólrisuleikritið frumsýnt, leikritið Vælukjói sem er gert út frá myndinni Cry baby eftir John Waters. Uppselt er á frumsýningu en næstu sýningar eru á laugardaginn, tvær á sunnudaginn og síðan mánudag og þriðjudag. Miðapantanir eru í síma 450 5555.

Gróskudagar á Sólrisu

Í Sólrisuviku verða að þessu sinni tveir Gróskudagar, þriðjudaginn 7. og miðvikudaginn 8. mars. Þessa daga er hefðbundin kennsla brotin upp og nemendur geta skráð sig í alls konar skemmtilegar og fróðlegar smiðjur. Hver nemandi þarf að skrá sig í þrjár smiðjur hvorn dag til að fá mætingu skráða þessa daga. Skráning er hér á hlekknum 

http://www.signupgenius.com/go/30E0A4FA9A92BA1F85-grskudagar3

N
ánari upplýsingar um smiðjur má nálgast með því að smella hér.

MÍ vann ML í MORFÍS

Í gærkvöldi fór fram MORFÍS keppni í Gryfjunni. Lið MÍ ðið lagði þá lið Menntaskólans á Laugarvatni í æsispennandi ræðukeppni. Ingunn Rós Kristjánsdóttir liðsmaður MÍ var valin ræðumaður kvöldsins. Með sigrinum er MÍ komið í undanúrslit sem fara fram í mars. Skólinn hefur þrisvar sinnum áður komist í undanúrslit en það var árin 1986, 2008 og 2009. Meðfylgjandi eru nokkrar myndir sem Sólrún Geirsdóttir tók.

Hvađ er #kvennastarf?

Tækniskólinn og Samtök iðnaðarins hafa, í samstarfi við alla iðn- og verkmenntaskóla á landinu, hrundið af stað herferð sem ber nafnið #kvennastarf

Algengt er að talað sé um „hefðbundin kvennastörf“  Með #kvennastarf er ætlunin að brjóta niður úreltar hugmyndir og benda ungu kynslóðinni á að fyrir bæði kynin eru allar leiðir færar í námi og starfi.

Tilgangurinn er m.a. að vekja athygli á fjölbreyttum störfum í iðn-, tækni- og verkgreinum og benda á þann kynjamun sem hefur viðgengist í sumum starfsstéttum. Í nútímasamfélaginu á Íslandi telja margir að jafnrétti kynjanna ríki á flestum sviðum. En er raunin sú?

Myndir – myndbönd – heimasíða

Herferðin hófst á birtingu ljósmynda, sem prýða nú mörg strætisvagnaskýli á höfuðborgarsvæðinu. Myndirnar sýna stelpur sem eru nemendur í viðkomandi iðngrein og er ætlað að varpa ljósi á glæsilegar fyrirmyndir sem stunda nám eða vinna við þessi störf.

Gefin verða út myndbönd um nám og störf kvenna í nokkrum faggreinum. Myndböndin segja sögu kvenkyns frumkvöðla í karllægum iðngreinum og sögur kvenna sem eru nemendur í dag eða vinna við greinina.

Vefurinn kvennastarf.is er kominn í loftið og þar má finna gagnlegar upplýsingar um málefnið og skemmtilega nálgun í gegnum samfélagsmiðla. Á vefsíðunni er t.d. að finna ótrúlegar tölfræðiupplýsingar sem sýna óútskýranlegan kynjahalla í nokkrum starfsgreinum.  

Allir, bæði fólk í verk- og iðngreinum og í öðrum starfsstéttum, eru hvattir til að taka þátt og virkja hashtaggið #kvennastarf með því að setja myndir úr námi og starfi eða öðru sem tengist málefninu, inn á samfélagsmiðla á borð við Twitter, Instagram og Facebook. Ekkert starf er ekki kvennastarf. Konur geta starfað við það sem þeim sýnist og það sama gildir um karlmenn

Tilgangur og markmið

Átakinu #kvennastarf er ætlað að vera stelpum og ungu fólki hvatning til að skoða alla möguleika í vali á námi og framtíðarstarfi og horfa opnum augum á hvar áhugasvið þeirra liggur. Allir eiga að geta starfað við það sem þá langar til.

Iðn- og verkmenntaskólar stefna á fjölgun fagmenntaðs fólks og markmið þeirra er að 20% grunnskólanema velji iðn-, tækni- og verkmenntun árið 2025 og að lágmarki 30% árið 2030.

Með #kvennastarf er ætlunin að sýna fram á að kynjahallinn sem er í iðn- og verkgreinum er óþarfur. Ef ungt fólk af báðum kynjum sér tækifæri í starfsmenntun, verður auðveldara að fjölga nemendum í þessum greinum og fleira fagmenntað fólk verður til í íslensku atvinnulífi.

 

Fagráð herferðar:

Sá breiði hópur skóla og samtaka sem stendur að baki #kvennastarf hefur skipað sérstakt fagráð sem í sitja: 

  • Jón B. Stefánsson – skólameistari Tækniskólans
  • Ársæll Guðmundsson – skólameistari Borgarholtsskóla, BHS
  • Guðrún Hrefna Guðmundsdóttir – skólameistari Fjölbrautaskóla Breiðholts, FB                       

 

Talsmenn #kvennastarf:

Ólafur Sveinn Jóhannesson – s: 665 1155
Ágústa Sveinsdóttir – s: 699 2264

Fyrri síđa
1
234567414243Nćsta síđa
Síđa 1 af 43
Atburđir
« Mars »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nćstu atburđir

Vefumsjón