Keppni MÍ lokiđ í Gettu betur.

MÍ lauk keppni í Gettu betur í gær þegar firnasterkt lið FG lagði lið MÍ en lokatölur voru 21-35 fyrir FG. Okkar krakkar lögðu á sig mikla vinnu við æfingar og stóðu sig vel í keppninni þetta árið þrátt fyrir tapið í gær. Það gengur bara betur á næsta ári.

Önnur umferđ Gettu betur í kvöld

Veturliđi, Kolbeinn og Ína Guđrún
Veturliđi, Kolbeinn og Ína Guđrún
Í kvöld mætir Gettu betur lið MÍ þau Ína Guðrún, Kolbeinn og Veturliði, Fjölbrautarskólanum í Garðabæ í annarri umferð Gettu betur 2017. Viðureigninni verður útvarpað á Rás2 og hefst hún klukkan 20. Það lið sem ber sigur úr býtum mun komast áfram í 8 liða úrslit í sjónvarpi í lok mánaðarins. Við óskum Ínu Guðrúnu, Kolbeini og Veturliða góðs gengis í kvöld. Áfram MÍ!

MÍ mćtir FG í annarri umferđ Gettu betur.

Kolbeinn, Veturliđi og Ína í hljóđstofu. Myndin er fegnin af vef bb.is
Kolbeinn, Veturliđi og Ína í hljóđstofu. Myndin er fegnin af vef bb.is
Dregið hefur verið í 16 liða úrslitum í Gettu betur. Lið MÍ mun mæta liði Fjölbrautaskólans í Garðabæ og fer viðureignin fram á rás2 þriðjudaginn 7. febrúar.Lið FG komst áfram í aðra umferð sem eitt þriggja stigahæstu tapliðanna. Áfram MÍ!

MÍ komiđ áfram í Gettu betur

MÍ er komið áfram í 2. umferð í Gettu betur. Liðið lagði fyrr í kvöld lið Verkmenntaskóla Austurlands, 24-18. Til hamingju með flottan árangur Ína Guðrún, Kolbeinn Sæmundur, Veturliði Snær og Ingunn Rós þjálfari.

Myndir frá Vísindadögum 2016

Vísindadagar voru haldnir í MÍ í lok nóvember á síðasta ári. Emil Ingi Emilsson kennari tók fjöldann allan af myndum á meðan á Vísindadögum stóð og hluti af þeim hefur nú verið birtur hér á síðunni. Myndirnar má skoða með því að smella hér.

Gettu betur 2017

Keppni í Gettu betur hefst á Rás 2 mánudaginn 30. janúar. Fyrsta viðureignin þetta árið er viðureign MÍ og VA. Lið MÍ skipa þau Ína Guðrún Gísladóttir, Kolbeinn Sæmundur Hrólfsson og Vetuliði Snær Gylfason. Í fyrra komst lið MÍ sem kunnugt er í fyrsta sinn áfram í 3. umferð og þar með í sjónvarpskeppnina. Liðið í ár stefnir að sjálfsögðu að sama marki og er þeim óskað góðs gengis í keppninni á mánudaginn.

Sólinni fagnađ

Eins og aðrir hér um slóðir fögnuðum við í MÍ sólarkomunni í dag. Nemendur og starfsmenn komu saman á sal, glöddust og gæddu sér á sólarkaffi í umsjón nemenda á þriðja ári.
 

Skráning í útskrift og úrsögn úr áföngum


Nemendur eru minntir á að síðasti frestur til að skrá sig úr áföngum er fimmtudagurinn 26. janúar. Ef nemendur ákveða að hætta í áfanga eftir þessa dagsetningu fá þeir skráð fall í áfanganum.

Þann 26. janúar er einnig lokafrestur til að skrá sig í útskrift hjá ritara, en útskrifað verður 27. maí.


Upphaf vorannar

Menntaskólinn á Ísafirði óskar nemendum, starfsmönnum og landsmönnum öllum gleðilegs árs, með þökk fyrir samstarfið á árinu 2016.

Skólastarf á vorönn hefst þann 5. janúar kl. 9 með samverustund á sal. Töflubreytingar hefjast hjá áfangastjóra og námsráðgjafa kl. 10 og standa til kl. 14 en nemendur sækja sér fyrst númer hjá ritara. Kennsla hefst svo samkvæmt stundaskrá föstudaginn 6. janúar kl. 8.10. Opnað verður fyrir stundatöflur nemenda í INNU þann 4. janúar. Heimavistin verður opin frá 4. janúar og nýir heimavistarbúar þurfa að hitta fjármálastjóra 5. janúar og skrifa undir samning. Mötuneyti skólans verður opið frá 5. janúar.

Með ósk um gott gengi á vorönn 2017!

Gleđileg jól!

Menntaskólinn á Ísafirði óskar nemendum og starfsfólki gleðilegra jóla og farsæls nýjárs og þakkar samstarfið á árinu sem er að líða. Skrifstofa skólans verður lokuð það sem eftir lifir af árinu. Opnað verður aftur þriðjudaginn 3. janúar 2017 kl. 9. 

Starf með nemendum á vorönn hefst þann 5. janúar kl. 9, með stutri athöfn á sal. Töflubreytingar fara fram milli kl. 10 og 14 sama dag. Kennsla hefst samkvæmt stundaskrá kl. 8.10 þann 6. janúar.
Atburđir
« Nóvember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir

Vefumsjón