Umsóknarfrestur um jöfnunarstyrk vegna vorannar 2012 er til 15.febrúar næstkomandi! Nemendur geta sótt um jöfnunarstyrkinn í gegnum sitt svæði í heimabankanum sínum og/eða Innu, vefkerfi framhaldsskólanna. Kynntu þér reglur um námsstyrki og leiðbeiningar um skráningu á www.lin.is

Lánasjóður íslenskra námsmanna
Námsstyrkjanefnd

Þessa önn er ætlunin að æfa upp efnisskrá með lögum úr kvikmyndum og söngleikjum og flytja þá dagskrá í kringum Sólrisuhátíðina. Einnig er stefnt á að taka þátt í norrænu kóramóti sem haldið verður í Hörpunni dagana 5.-8. ágúst 2012.

Til að kynna kórinn og verkefnin sem eru framundan verður „opin æfing" n.k. fimmtudag í fyrirlestrasalnum kl. 10:25.

Skorað er á allar raddir (ekki síst karlaraddir) að mæta og kynna sér starfið í kórnum.

Kór Menntaskólans á Ísafirði hefur starfað við skólann síðan á vorönn 2010 undir stjórn Bjarneyjar Ingibjargar Gunnlaugsdóttur. Kórinn hefur það hlutverk að syngja við athafnir tengdar skólanum s.s. útskriftir, Sólrisuhátíð og nú í desember var hann með aðventustund ásamt leiklistarfélagi skólans í Ísafjarðarkirkju. Kórinn hefur líka verið beðinn um að syngja við athafnir á vegum bæjarfélagsins s.s. á Silfurtorgi þegar kveikt er á jólatrénu og á 17. júní hátíð.

Kórinn er valgrein sem gefur 2 einingar á önn og er mætingaskylda í hann eins og aðra tíma innan skólans. Sækja þarf um leyfi og tilkynna forföll ef nemandi er fjarverandi.

 

Bjarney Ingibjörg

Jón Reynir

Menntaskólinn á Ísafirði óskar nemendum og starfsfólki gleðilegra jóla og farsældar á komandi ári. Skólastarf hefst að nýju eftir jólaleyfi þann 4. janúar og eiga nemendur að mæta á sal kl. 9 þann dag. Stundatöflur verða aðgengilegar í Innu nokkru áður. Sett verður sérstök frétt á heimasíðuna til að tilkynna það, þegar þar að kemur. Bókalistinn er aðgengilegur á heimasíðunni. Skrifstofa skólans verður lokuð í jólaleyfinu og opnar aftur þann 4. janúar. Þeir sem eiga erindi við skólann geta sent tölvupóst á misa@misa.is

Prófsýning verður haldin föstudaginn 16. desember milli kl. 11 og 12. Nemendur geta þá skoðað lokapróf í áföngum hjá kennurum. Niðurröðun kennara í stofur verður auglýst nánar á prófsýningardag.

Rafrænni innritun í gegnum Menntagátt lauk þann 23. nóvember. Enn er þó hægt að sækja um nám í skólanum á vorönn. Smellið hér til að sækja um skólavist.