Föstudaginn 1. nóvember hefst innritunartímabil fyrir nám í MÍ á vorönn. Hægt er að sækja um skólavist með því að smella hér. Á sama tíma hefst innritun í fjarnám fyrir vorönn. Upplýsingar um áfangaframborð, verð og skráningu má finna hér.

Allar frekari upplýsingar um nám gefa Heiðrún Tryggvadóttir áfangastjóri og Stella Hjaltadóttir náms- og starfsráðgjafi.

Nú stendur yfir valtímabil fyrir vorönn 2020 sem lýkur þann 30. október n.k. Með því að smella HÉR geturðu kynnt þér allt um valið en valið sjálft fer fram í gegnum INNU.

Allir nemendur í dagskóla sem ætla að halda áfram námi þurfa að velja áfanga fyrir næstu önn. Ekkert val þýðir engin stundatafla! Fjarnemendur sem ætla að halda áfram fjarnámi við skólann og borga fyrir fjarnámið geta líka valið áfanga.

Kynning á valinu verður í boði í fyrirlestrarsalnum, stofu 17, í upphafi fundartíma fimmtudaginn 24. október og í framhaldi verður boðið upp á aðstoð við valið. Nýnemar geta fengið aðstoð við valið í NÁSS1NN03 auk þess sem umsjónarkennarar geta aðstoðað. Allir nemendur geta auk þess fengið aðstoð við valið hjá áfangastjóra eða náms- og starfsráðgjafa. Hægt er að panta tíma hjá ritara.

Væntanleg útskriftarefni sem ætla að útskrifast í maí 2020 þurfa að panta tíma hjá áfangastjóra eða náms- og starfsráðgjafa til að fara yfir valið.

Dagskólanemendur sem ætla ekki að vera við nám á haustönn þurfa að láta áfangastjóra vita (heidrun@misa.is)

Hin árlega róðrarkeppni MÍ var haldin á Pollinum í dag. Sex lið voru skráð til keppni og var hörð keppni um fysta sætið. Úrslitin urðu þau að karlalið starfsmanna MÍ náði bestum tíma og kom í mark á tímanum 01:01.12. Í öðru sæti var lið foreldra á tímanum 01:04.46 og í þriðja sæti var sigurliðið frá því í fyrra, Georg og félagar, á tímanum 01:06.86. Tími næstu liða var sem hér segir: Kvennarar 01.11:56, King Kong 01:14.91 og 01:21.46. Öll liðin fá kærar þakkir fyrir þátttökuna og sigurvegurum er óskað til hamingju með sigurinn. 

Þessa dagana eru nemendur í áfanganum Textílvinna, hönnun og sköpun að vinna með náttúrulega liti. Meðal annars prófa nemendur sig áfram með ávexti, ber og blóm og ýmis matvæli. Þannig kynnast nemendur möguleikum á að minnka matarsóun. Einnig er unnið með japanska litunartækni sem heitir Shiboro og í henni felst sérstök munsturtækni. Eins og sjá má á meðfylgjandi myndum er litagleðin alls ráðandi og í harðri samkeppni við haustlitina sem núna setja svip sitt á Skutulsfjörðinn.

Löng hefð er fyrir því að nýnemar hefji skólagönguna á nýnemaferð að Núpi í Dýrafirði. 40 nýnemar hófu nám við Menntaskólann á Ísafirði í vikunni og fór stærstur hluti þeirra í ferðina ásamt starfsmönnunum Emil Inga Emilssyni, Halldóri Karli Valssyni, Júlíu Björnsdóttur, Kolbrúnu Fjólu Arnarsdóttur og Stellu Hjaltadóttur.

Ferðin í ár heppnaðist vel í alla staði og veðrið lék við hópinn. Ferðin hófst á gönguferð en gengið var að eyðibýlinu Arnarnesi við utanverðan Dýrafjörð. Ýmislegt fleira var á dagskránni eins og kynnisferð um gamla skólann á Núpi, heimsókn í Skrúð, ratleikur og kvöldvaka þar sem stjórn NMÍ kynnti félagsstarfið í vetur.

Við bjóðum nýnema ársins 2019 velkomna í skólann.

Mötuneyti skólans er opið frá og með 19. ágúst. Í mötuneytinu er í boði heitur matur ásamt veglegum salatbar. Einnig er í boði súpa, grautur eða skyr ásamt nýbökuðu brauði. Matseðill hverrar viku er birtur á heimasíðu skólans á hverjum mánudegi.

Verð fyrir matarmiða eða mataráskrift haustönn 2019 er sem hér segir:

• Annarkort kr. 65.000 -  81 máltíð á tímabilinu 19.08. - 13.12.
• Ekki er matur 26.09.   18.10.   21.10  og  06.11.
• Hægt er að skipta greiðslu í fjóra hluta
• Tíu máltíða kort kr. 8.500
• Stök máltíð kr. 1.000

Velkomin í mötuneytið og verði ykkur að góðu!

Mötuneyti skólans er opið frá og með 19. ágúst. Í mötuneytinu er í boði heitur matur ásamt veglegum salatbar. Einnig er í boði súpa, grautur eða skyr ásamt nýbökuðu brauði.

Verð fyrir matarmiða eða mataráskrift haustönn 2019 er sem hér segir:

• Annarkort kr. 65.000 -  81 máltíð á tímabilinu 19.08. - 13.12.
• Ekki er matur 26.09.   18.10.   21.10  og  06.11.
• Hægt er að skipta greiðslu í fjóra hluta
• Tíu máltíða kort kr. 8.500
• Stök máltíð kr. 1.000

Velkomin í mötuneytið og verði ykkur að góðu!

Skólasetning verður á sal skólans á mánudaginn, 19. ágúst, kl. 9:00. Að henni lokinni verður kennd hraðstundatafla sem lýkur kl. 11:15. Skipulag hraðstundatöflunnar má sjá hér en það hangir einnig uppi á upplýsingatöflum skólans. Kennt verður skv. stundatöflu þriðjudaginn 20. ágúst.

Töflubreytingar hefjast kl. 10:30 á mánudaginn. Sækja þarf númer hjá ritara. Töflubreytingar er einnig hægt að gera rafrænt og má finna frekari upplýsingar um þær hér.

Starf haustannar 2019 er nú um það bil að hefjst. Nemendur mæta til skólasetningar á sal skólans kl. 9 mánudaginn 19. ágúst. Að lokinni skólasetningu mæta nemendur samkvæmt hraðstundatöflu sem ætti að vera lokið upp úr kl. 11.  

Opnað hefur verið fyrir stundatöflur í INNU og nemendur sem þess óska geta fengið útprentað eintak á skrifstofu skólans frá og með mánudeginum 19. ágúst. Töflubreytingar  fara fram rafrænt í gegnum INNU en einnig er hægt að sækja númer til ritara og fara í töflubreytingu að lokinni hraðstundatöflu. Námsgagnalisti er aðgengilegur í INNU en hann má einnig finna hér.

Skrifstofa skólans er opin frá kl. 8-16 mánudaga til fimmtudaga og frá kl. 8-15 á föstudögum. 

Mötuneyti skólans verður opið frá og með 19. ágúst. Hægt verður að kaupa annarkort í mötuneytið hjá ritara.

Nú hefur verið opnað fyrir stundatöflu haustannar og er hún aðgengileg á INNU.  Athugaðu að til að sjá stundatöfluna þarftu að velja næstu viku (19.-23. ágúst). Í INNU sérðu líka námsgagnalista haustannar.

Töflubreytingar eru mögulegar í INNU, sjá leiðbeiningar hér. Töflubreytingar verða líka í boði að lokinni skólasetningu.

Ef þú hefur ekki greitt skólagjöld er INNA lokuð. Þeir nemendur sem greiða skólagjöld í dag þurfa að senda kvittun á Elínu Ólafsdóttur ritara skólans og mun Elín þá opna fyrir aðgang að INNU.