Á þriðjudaginn var opnað milli hæða í bóknámshúsi þegar ný reglugerð um takmörkun á samkomum var birt og fjöldatakmörk voru hækkuð í 200 manns. Nýja reglugerðin gildir til 27. september n.k.

Enn og aftur þökkum við ykkur nemendum og svo frábæru starfsfólki okkar hversu vel skólahald hefur gengið fyrstu vikurnar. Mikilvægt er að við sofnum ekki á verðinum þegar kemur að sótt- og smitvörnum og áfram er okkar sameiginlega markmið að halda skólanum opnum.

Í þessari viku höldum við áfram á sömu braut. Virðum 1 metra regluna, sprittum okkur þegar við komum inn á ný svæði og munum að í stigum í bóknámshúsi er einstefna. Við förum upp hjá sjoppunni eða milli stofu 16 og 17. Við förum niður hjá kennarastofunni og stofu 8 eða milli stofu 3 og 4.

Allir nemendur hafa fengið sendan tölvupóst með upplýsingum fyrir næstu viku, sjá  hér.  

Í dag, þriðjudaginn 8. september, var bókasafnsdagurinn haldinn hátíðlegur um land allt.  

Í Menntaskólinn á Ísafirði er stórt og vel búið bókasafn í hjarta skólans. Bókasafnið er mikið notað af nemendum skólans í skólastarfinu. 

Í dag fékk hluti nýnema skólans fékk kynningu á bókasafninu og þjálfun í að nota safnið við upplýsingaleit. 

Markmið með bókasafnsdeginum er að vekja athygli á mikilvægi bókasafna í samfélaginu. 

Síðasta vika í MÍ gekk vel. Því er auðvitað fyrst og fremst að þakka samstilltu átaki nemenda og starfsfólks til að láta skólastarf í skugga Covid 19 ganga upp.

Við byrjum þessa viku eins og síðasta vika endaði; með fjórum sóttvarnarrýmum, áherslu á að spritta sig þegar komið er inn í nýtt rými, 1m fjarlægðarmörk og engar hópamyndanir hvorki í Gryfjunni né annars staðar. Kennt verður samkvæmt stundatöflu og rétt stofunúmer er að finna í stundatöflum í Innu. 

Mögulega verða ný tilmæli um skólahald gefin út til framhaldsskóla á mánudaginn, 7. september. Þá munum við gera ráðstafanir samkvæmt þeim og þið verðið upplýst um það. Áfram er okkar sameiginlega markmið að halda skólanum opnum.

Við vekjum athygli á ferli MÍ vegna Covid-19 smits eða gruns um smit. 

Smellið hér. 

Ef einhverjar spurningar vakna endilega hafið samband við skólann á misa@misa.is eða 450-4400.

Í þessari viku verður áfram kennt samkvæmt stundatöflu. Allir nemendur hafa fengið tölvupóst um fyrirkomulag vikunnar. 

Rétt stofunúmer er nú að finna í öllum stundatöflum nemenda í Innu og verður því ekki gefin út sérstök stofutafla fyrir vikuna. 

Nú er bara áfram gakk og við þurfum að standa okkur jafn vel í þessari viku og í síðustu viku. Við höldum áfram með sömu viðmið þar sem áhersla er á að spritta sig þegar komið er inn á nýtt svæði, 1 metra fjarlægðartakmörk og engar hópmyndanir, hvorki í Gryfjunni né annars staðar.

Við þökkum öllum nemendum og starfsfólki fyrir góða samvinnu við að halda úti öflugu skólastarfi með öllum þeim sóttvarnarráðstöfunum sem þarf til að halda skólanum opnum.

Nú er fyrstu viku fullrar kennslu á haustönn 2020 að ljúka. 

Skólinn fylgir sóttvarnarreglum og hefur gert þær ráðstafanir sem þarf til að gera starfsumhverfi nemenda og starfsmanna eins örugg og hægt er.

Til dæmis er skólahúsnæði skipt upp í fjögur sóttvarnarrými og þurfa nemendur og starfsmenn að fara út úr einu rými til að komast inn í annað, eins og á milli hæða í bóknámshúsi. 

Allir nemendur og starfsfólk hafa lagt sig fram við að fylgja sóttvarnarreglum og laga sig að breyttum aðstæðum í skólastarfinu, sem fer vel af stað og spennandi haustönn framundan. 

Í dag hófst skólahald með kennslu samkvæmt stundatöflu. 

Skólastarf er með breyttum hætti vegna covid 19. Við fylgjum sóttvarnarreglum til þess að gera starfsumhverfi nemenda og starfsmanna eins öruggt og hægt er. Það er meðal annars gert með því að takmarka smitleiðir og samneyti meðal nemenda og starfsmanna. 

Hlutverk nemenda er mikilvægt í sóttvörnum og nauðsynlegt að allir fylgi leiðbeiningum skólans, viðhafa gott hreinlæti og sóttvarnir. Veikir nemendur og starfsmenn koma ekki í skólann. 

Skólinn er aðskildur í fjögur sóttvarnarrými: efri og neðri hæð bóknámshúss, verknámshús og mötuneyti/heimavist.

Í hvert sinn sem farið er inn í nýtt sóttvarnarsvæði skal spritta sig, einnig eru sprittstöðvar fyrir framan hverja kennslustofu og nemendur eru beðnir að spritta sig áður en þeir fara inn í stofuna, sem og að spritta sitt vinnusvæði (borð og stóla) í lok kennslustundar. 

Gangar eru einungis til að ferðast á milli stofa. Búið er að líma örvar á gólf sem sýna gönguleiðir, eftir göngum gildir hægri reglan. Öll hópamyndun á göngum eða í öðrum rýmum skólans eins og Gryfju eða bókasafni er stranglega bönnuð. 

Þetta eru óvenjulegar aðstæður og saman gerum við öll okkar besta til að skólastarf geti farið fram með góðum og öruggum hætti. 

Slóð á stundatöfluna er HÉR 

Almennar leiðbeiningar fyrir vikuna eru HÉR 

Kæru nemendur 

Skólastarfið þessa dagana er flókið vegna samkomutakmarkana og sóttvarna en við í MÍ hlökkum mikið til skólasamstarfsins í vetur og vonum heitt og innilega að skólastarf geti færst í eðlilegt horf sem allra fyrst.  Mikilvægt er að við séum öll samstíga í þessu stóra verkefni og þess vegna áréttum við hér dagskrá næstu daga. Allir nemendur hafa fengið tölvupóst með nánari upplýsingum. 

Miðvikudaginn 19. ágúst var hraðstundatafla á dagskrá. Hún verður ekki.

• Nemendur sem eru nýir í skólanum eða að hefja aftur nám geta aftur á móti mætt í Gryfjuna (á neðri hæð bóknámshússins) kl. 11:00 og fengið aðstoð með Innu, Moodle og Office 365.

Fimmtudag 20. ágúst og föstudag 21. ágúst 

• Öll kennsla eldri bóknámsnemenda í fjarnámi
• Nýnemar mæta skv. stundatöflu
• Verknámsnemendur mæta skv. stundatöflu, eldri verknámsnemendur eru í fjarnámi í bóknámsáföngum en mæta í verklega tíma
• Nemendur á starfsbraut mæta skv. stundatöflu

Nemendur þurfa að virða 1 m regluna og mikilvægt er að huga að sóttvörnum.  

Á föstudaginn verða sendar út upplýsingar um hvernig skipulag næstu viku verður. Allir nemendur munu þá mæta eitthvað í kennslustofur en kennslan verður líka að einhverju leyti í fjarnámi. Hvað það ástand mun vara lengi fer alfarið eftir þeim samkomutakmörkunum sem í gildi eru hverju sinni en við munum gera okkar besta til að skipuleggja skólastarfið þannig að þið getið mætt sem mest.

Á heimasíðu skólans er síðan sérstakur flipi sem heitir VIÐBRÖGÐ VEGNA COVID og þar má finna ýmislegt gagnlegt, https://misa.is/vidbrogd_vegna_covid-19/

Ef eitthvað er óljóst þá endilega sendið okkur tölvupóst á misa@misa.is eða hafið samband í síma 450 4400.

Kæru nemendur 

Það er ljóst að næstu mánuði munum við þurfa að lifa með mismiklum  samkomutakmörkunum vegna Covid 19. Því þarf að skipuleggja skólastarf miðað við þá staðreynd og í samræmi við þær takmarkanir sem framhaldsskólum eru settar. 

Í þessu ljósi hefur skólabyrjun verið breytt hjá hluta eldri nemenda sem hefja námið fyrstu tvo dagana í fjarnámi. Nemendur í dreif- og fjarnámi fá sérstakar upplýsingar eftir helgi.

Skólabyrjun verður sem hér segir: 

Þriðjudagurinn 18. ágúst kl. 11:00-13:00 

Sérstök kynning fyrir nýnema á skólastarfinu. Kynningin fer fram í Gryfjunni og í lok hennar verður  nemendum boðið að borða í mötuneyti skólans. 

Miðvikudagurinn 19. ágúst kl. 11:00-13:00  

Nýnemar og aðrir nemendur sem eru að hefja nám við skólann fá kynningu á helstu tölvukerfum sem notuð eru í skólastarfinu, s.s. INNU, Moodle og Office 365. Nemendur sem eiga fartölvur eru hvattir til að mæta með þær en einnig er hægt að fá lánaðar fartölvur á skrifstofu skólans. Athugið að mötuneyti skólans er opið. 

Fimmtudagurinn 20. ágúst 

Kennsla nýnema, starfsbrautar og verknámsnemenda verður skv. stundaskrá í skólahúsnæðinu.  Nánara fyrirkomulag verður kynnt þegar nær dregur. Eldri nemendur í dagskóla hefja námið í fjarnámi. Athugið að mötuneyti skólans er opið. 

Föstudagurinn 21. ágúst  

Kennsla nýnema, starfsbrautar og verknámsnemenda verður skv. stundaskrá í skólahúsnæðinu.  Nánara fyrirkomulag verður kynnt þegar nær dregur. Eldri nemendur í dagskóla hefja námið í fjarnámi. Athugið að mötuneyti skólans er opið. 

Mánudagurinn 24. ágúst 

Kennsla allra dagskólanemenda í í skólahúsnæðinu, nánara fyrirkomulag verður kynnt þegar nær dregur. Mötuneytið opið. 

Sóttvarnir og umgengni: 

Nemendur í bóknámshúsi nota aðaldyr á neðri hæð skólans sem merktar eru inngangur og útgangur. 

Verknámsnemendur ganga inn um aðalinngang verknámshúss. Allir þurfa að spritta sig við inngöngu í skólahúsnæðið og aftur þegar þeir fara inn í skólastofur.

Mikilvægt er að nemendur sem eru með einhver flensulík einkenni komi ekki í skólann og tilkynni það á misa@misa.is og fari að tilmælum sóttvarnarlæknis þ.e. að halda sig heima og skrá sig í sýnatöku. Nemendur í sóttkví eða einangrun þurfa að tilkynna það strax til skólans. 

Vegna mötuneytis:

Mötuneyti skólans verður opið með ákveðnum takmörkunum. Verðskráin er sem hér segir (á ekki við um heimavistarbúa):

Annarkort kr. 68.000, hægt er að skrá sig í annaráskrift hér https://form.jotform.com/202264484981360

10 miða  kort  kr. 9.000, hægt að kaupa hjá ritara á skrifstofu skólans

Stakur miði kr. 1.100, hægt að kaupa hjá ritara á skrifstofu skólans

Að lokum vekjum við athygli á að nú hefur verið opnað fyrir stundatöflu í INNU og þar má einnig finna bókalista.  

Nú hafa alls 48 nýnemar verið innritaðir í Menntaskólann á Ísafirði. Þeir hafa nú fengið send nýnemabréf frá skólanum. Í bréfinu eru upplýsingar um upphaf skólaársins 2020-2021, innritunargjöld o.fl. Sérstök kynning fyrir nýnema verður haldin þriðjudaginn 19. ágúst kl. 11:00.

Kennsla hefst miðvikudaginn 20. ágúst með hraðstundatöflu. Opnað verður fyrir stundatöflur í INNU föstudaginn 14. ágúst og þar er sömuleiðis hægt að finna bókalista.

Nemendur sem innrituðust á afreksíþróttasvið eiga von á tölvupósti þar sem þeir þurfa að skrá sig í sína íþróttagrein.

Við erum full tilhlökkunar að taka á móti nýjum hópi MÍ-inga.