Áfangalýsing:
Markmið kennslunnar er að nemendur geti skilið einfalt rit- og talmál, geti tjáð sig skriflega og munnlega í tengslum við kennsluefnið, þekki grundvallaratriði þýskrar málfræði og byggi upp orðaforða. Upplýsingar um menningu, landafræði og sögu þýskumælandi landa eru líka hluti af kennslunni.
Forkröfur: Engar
Markmið:
Nemandi skal hafa öðlast þekkingu og skilning á:
- grunnorðaforða til að nota þýsku í samræmi við kennsluefnið.
- reglum um framburð í þýsku.
- þýskri réttritun.
- grunnatriðum í málfræði.
Nemandi skal hafa öðlast leikni í að:
- skilja talað mál tengt kennsluefni þegar talað er hægt og skýrt.
- geta tjáð sig á einfaldan hátt.
- bera þýsku rétt fram.
- nota þýskar málfræðireglur bæði í ritun og töluðu máli í samræmi við kennsluefnið.
- nota kennslugögn sjálfstætt til að vinna verkefni og finna svör.
Nemandi skal geta hagnýtt þá almennu þekkingu og leikni sem hann hefur aflað sér til að:
- eiga einföld samskipti sem ferðamaður í þýskumælandi löndum eða við þýskumælandi ferðamenn á Íslandi.
- skilja einfalda þýska texta.
- skrifa stutta þýska texta.
