Kennsla í iðnmeistaranámi hefst í janúar 2024

Lýsing: Iðnmeistaranám er öflugt nám í stjórn­unar- og rekstr­ar­greinum sem miðar að því að gera nemendur hæfa til að reka fyrirtæki skv. 10. grein iðnaðarlaga nr. 42/1978 og vera færa um að sjá um leiðsögn og kennslu iðnnema í eigin iðngrein. Hver maður getur leyst til sín meistarabréf ef hann fullnægir skilyrðum 3. gr. laganna, hefur lokið sveinsprófi, unnið síðan undir stjórn meistara í iðngrein sinni eitt ár minnst og jafnframt lokið meistaraprófi í iðninni frá meistaraskóla. Meistarabréf veitir meistara leyfi til að reka þá iðngrein sem meistarabréf hans tekur til.

Námsframvinda: Námið er 38 einingar og skiptist í tvo hluta, A og B hluta. Þess utan þurfa sumar iðngreinar að taka fleiri einingar, sjá neðst.

Í A-hluta eru grunnáfangar í rekstri, stjórnun og stofnun fyrirtækja auk kennslu og leiðsagnar. Í B-hluta eru einnig fög tengd fyrirtækjum og rekstri auk fagtengds efnis greinar þar sem við á. Námið hefur námslok á fjórða hæfniþrepi íslensks hæfniramma um menntun.

Námsfyrirkomulag: Námið er kennt í dreifnámi og A-hluti námsins skiptist á þrjár annir. Dreifnám fer fram í staðlotum eitt til tvö kvöld í viku yfir önnina. Innritunar- og skólagjöld í iðnmeistaranámi eru 15.000 kr og einingagjald er 5.000 kr á hverja einingu.

Inntökuskilyrði: Til að hefja iðnmeistaranám þurfa nem­endur að hafa lokið sveins­prófi í lög­giltum iðngreinum. 

Brautarlýsing á www.namskra.is

Fagtengd efni fyrir húsasmiði, pípara, blikksmiði og múrsmiði

• Efnisfræði og burðarþol MEFB4MS03BA 3 ein 
• Mælitækni og mælitæki MMÆL4MS03BA 3 ein
• Sértæk lög og reglugerðir MLÖG4MS02BA 2 ein

Fagtengd efni fyrir vélvirkja, stálsmiði og rennismiði

• Val í faggrein 8 ein

Fagtengd efni fyrir rafvirkja og rafeindavirkja

• Kennt hjá Rafmennt, nánari upplýsingar hjá þeim 30 ein