Heimavist MÍ
Heimavist Menntaskólans á Ísafirði er áföst bóknámshúsinu og í sömu byggingu er jafnframt mötuneyti skólans. Á heimavistinni eru 33 einstaklingsherbergi með sturtu og snyrtingu, þar af nokkur sem geta verið tveggja manna. Vistarbúum er skylt að vera í mötuneyti skólans og fara eftir gildandi heimavistarreglum.
Opnun og lokun heimavistar skólaárið 2023-2024:
- Á haustönn 2023 opnar heimavistin þann 20. ágúst og lokar þann 15. desember.
- Á vorönn 2024 opnar heimavistin 3. janúar og lokar 18. maí.
- Heimavistin er lokuð í jóla- og páskafríi.
Gjaldskrá mötuneytis og heimavistar:
Mötuneyti:
- Mötuneytisgjald er 47.000 kr. á mánuði fyrir morgunverð og 5 heitar máltíðir á virkum dögum í hádegi og á kvöldin.
- Matarkort fyrir aðra nemendur en vistarbúa kosta á haustönn 2022:
- Annarkort kr. 95.000
- Ekki er matur 19.10., 20.10. og 23.10.
- Hægt er að skipta greiðslu í fjóra hluta.
- Tíu máltíða kort kr. 12.500
- Stök máltíð kr. 1.400
Heimavist:
- Húsaleiga á heimavist fer eftir stærð og gæðum herbergja og er á bilinu 45.000-55.000 kr.
- Gerður er húsaleigusamningur við heimavistarbúa og heimavistarbúar geta sótt um húsaleigubætur til lækkunar á húsnæðiskostnaði.
- Þráðlaust net er um alla vistina.