Fimmtudaginn 22. október fáum við heimsókn frá hópnum Í kjölfar Bríetar en hópurinn stendur fyrir ráðstefnu um stöðu jafnréttismála hér á Ísafirði 23.- 24. október í tilefni af 100 ára afmælis kosningaréttar kvenna.

 

Dagskrá heimsóknarinnar:

10:30-11:25 The Startup Kids Heimildamynd um unga veffrumkvöðla. Leikstjórar myndarinnar eru Sesselja Vilhjálmsdóttir og Vala Halldórsdóttir.
11:30-11:40 Skype með Sesselju leikstjóra myndarinnar 
11:40-12:30 Umræður um jafnréttismál og Kahoot

Pizza í boði 

Við erum ótrúlega stolt af nemendafélaginu okkar sem hét í dag, í samvinnu við verkefnastjórn Heilsueflandi framhaldsskóla í MÍ, styrktarhlaup NMÍ. Hlaupið var til styrktar átakinu Bleika slaufan og alls tóku 59 manns þátt. Þátttakendur ýmist gengu eða hlupu og gátu valið um þrjár vegalengdir; 2,5 km, 5 km og 10 km. Alls söfnuðust hátt í 90.000 kr. og þökkum við öllum þátttakendum fyrir stuðninginn. Er þetta í fyrsta skipti sem svona styrktarhlaup er haldið í MÍ og er það von þeirra sem að hlaupinu stóðu að um árvissan viðburð geti verið að ræða. 

Á morgun er bleikur dagur í skólanum í tilefni af bleikum október. Kl. 17:00 stendur síðan nemendafélag skólans fyrir styrktarhlaupi. Í boði eru þrjár vegalengdir: 2,5 km, 5 km og 10 km. Í boði er bæði að ganga og hlaupa. Mætum sem flest!

Í morgun fór hin árlega róðrakeppni MÍ fram í einmuna veðurblíðu. Hin ýmsu lið, skipuð nemendum, foreldrum og kennurum, tóku þátt og voru vel hvött áfram af áhorfendum á bryggjunni. Stjórn nemendafélagsins grillaði síðan ofan í mannsskapinn á bryggjukantinum. Eftir æsispennandi keppni kom í ljós að tvö lið voru nánast jöfn og kom því til bráðabana. Þar höfðu Málmhausarnir, nemendur á 2. ári í grunndeild málmiðna, betur gegn karlkyns kennurum MÍ. Á myndasíðunni má sjá myndir frá keppninni. #MÍRÓ

Valtímabil fyrir vorönn 2016 stendur nú yfir og þarf ali að vera lokið í síðasta lagi miðvikudaginn 14. október. Ef nemandi hefur ekki gengið frá valinu þá, verður litið svo á að hann ætli ekki að koma í skólann á vorönn = enginn gíróseðill = engin stundatafla. 

Nemendur geta leitað aðstoðar hjá námsráðgjafa eða aðstoðarskólameistara við valið. Allar helstu upplýsingar um valið má finna hér hægra megin á heimasíðunni.

Róðrakeppnin er á morgun kl. 10:30!
Veðurspáin fyrir morgundaginn er hagstæð og róðrakeppnin mun þá fara fram. Mæting er við litlu bryggjuna hjá Edinborgarhúsinu kl. 10:30. Eftir keppni verður grillað. Mætum og verum virk. Megi besta liðið vinna. #MÍRÓ

Í dag, þriðjudaginn 22. september, eru kennarar MÍ á námskeiði um vendikennslu (e. flipped classroom) frá kl. 13:15. Það er því ekki kennsla í síðustu tveimur kennslustundunum í dag.

Vikuna 21. - 27. september stendur yfir hreyfivika í samstarfi HSV, UMFÍ og Ísafjarðarbæjar. Hreyfivikan er hluti af samevrópsku verkefni og á að minna á gildi hreyfingar og kynna fyrir sem flestum kosti þess að hreyfa sig. Nemendur og starfsmenn MÍ eru hvattir til að taka virkan þátt. Dagskrá hreyfivikunnar má finna á heimasíðu HSV.

Nemendur í náttúrufræði, líffræði, landafræði og líffæra- og lífeðlisfræði fóru út og unnu verkefni með kennara sínum, Ragnheiði B. Fossdal, í tilefni af Degi íslenskrar náttúru í fyrradag, 16. september. Fleiri myndir sem nemendur tóku má sjá á myndasíðunni, á Facebook og undir #DÍN.

Jöfnunarstyrkur - sækir þú nám fjarri lögheimili og fjölskyldu?

Kynntu þér reglur um námsstyrki og leiðbeiningar um skráningu á www.lin.is
Hægt er að skrá umsókn á Innu eða netbankanum!

Umsóknarfrestur vegna skólaársins 2015-2016 er til 15. október næstkomandi!

Lánasjóður íslenskra námsmanna, Námsstyrkjanefnd