Prófatafla fyrir námsmatsdaga í desember hefur verið samþykkt af skólaráði er birt í INNU. Nemendur geta þar með séð í INNU hvenær þeir eiga að mæta í þau próf sem þeir eru skráðir í. Athugið að prófin hefjast alltaf kl. 9 og standa í eina og hálfa klukkustund. Upplýsingar um staðsetningu próf í stofum verða hengdar upp á auglýsingatöflum í bóknámshúsi fyrir hvern prófadag.

Vísindadagar verða haldnir í MÍ dagana 4. og 5. desember. Þessa daga verður hefðbundin kennsla brotin upp og nemendur sýna afrakstur ýmissa verkefna sem unnin hafa verið á önninni. Dagskráin er fjölbreytt og skemmtileg og stendur frá kl. 8-15 báða dagana. Meðal þess sem verður í boði er:

• Tímaflakk í gegnum hártískuna
• Rafmagnsbíllinn Læðan
• Sálfræðitilraunir
• Kynningar á eðlisfræðitilraunum
• Opið hús í verkmenntahúsi
• Áhugaverðir fyrirlestrar
• ....og margt fleira

Allir eru velkomnir á Vísindadaga!

Hér má sjá ítarlega dagskrá beggja daga.

Kennslukönnun fyrir eftirtaldar námsgreinar var opnuð á Moodle þann 25. nóvember kl. 8. Nemendur eru vinsamlegast beðnir að svara könnuninni í þeim áföngum sem þau eru skráð og meta áfangana og kennsluna. 

• Íslenska (ÍSA 102, 212, 403, ÍSL 102, 103, 212, 202, 503, 613)
• Stærðfræði (STÆ 192, 102, 122, 103, 262, 303, 313, 503, 523)
• Raungreinar (EÐL 103, 203, EFN 203, LÍF 203, LOL 103, NÁT 103, 123)
• Tölvufræði (TÖL 103)
• Upplýsingatækni (UTN 103)

Með ósk um góða samvinnu.
Sjálfsmatsnefnd

Söngkeppni NMÍ fór fram í íþróttahúsinu á Torfnesi í gær að viðstöddu fjölmenni. Alls tóku 9 atriði þátt í keppninni að þessu sinni og voru lögin að vanda flest flutt við undirleik Húsbandsins, en það skipuðu þau Pétur Óli Þorvaldsson, Þormóður Eiríksson, Kristín Harpa Jónsdóttir og Valgeir Skorri Vernharðsson. Svo fór að Salóme Katrín Magnúsdóttir stóð uppi sem siguvegari en hún flutti lagið Sprawl II með hljómsveitinni Arcade Fire. Í öðru sæti var hljómsveitin Rythmatik en þeir fluttu frumsamda lagið Tiny knots. Í þriðja sæti var svo Anna Þuríður Sigurðardóttir með lagið Crazy með Gnarls Barkley. Kynnir var Pétur Magg og í dómnefnd sátu Benedikt Sigurðsson, Dagný Hermannsdóttir og Sveinbjörn Hjálmarsson.

Nú stendur yfir innritun nemenda í skólann fyrir vorönn 2015. Innritunin fer fram í gegnum Menntagátt. Nemendur sem þess óska geta pantað tíma hjá námsráðgjafa og fengið ráðgjöf vegna innritunar og vals á áföngum. Innritun fyrir vorönn lýkur þann 30. nóvember.

Menntaskólinn undirritaði í dag nýjan samning við Nýsköpunarmiðstöð Íslands, Bolungarvíkurkaupstað, Ísafjarðarbæ og Súðavíkurhrepp, um rekstur fab-lab smiðju í skólanum. Rekstur fab-lab smiðjunnar hófst formlega í byrjun árs 2013 og hlaut smiðjan þá nafnið Guðmundarsmiðja til minningar um Guðmund Þór Kristjánsson vélstjórnarkennara sem var frumkvöðull að stofnun fab-lab smiðju við skólann. Menntaskólinn leggur eins og áður til húsnæði og tæki í Guðmundarsmiðju en aðrir aðilar að samningi sameinast um annan rekstur. Meðfylgjandi mynd var tekin við undirritun samningsins.

Allir nemendur sem ætla að stunda nám í Mí á vorönn 2015 þurfa að velja sér áfanga fyrir önnina. Fimmtudaginn 23. október verður opnað fyrir rafrænt val í INNU. Nemendur yngri en 18 ára eiga að hitta umsjónarkennara sína í fundartímanum og fá aðstoð við valið. Nemendur 18 ára og eldri geta pantað sér tíma hjá námsráðgjafa ef þeir þurfa aðstoð. Hér fyrir neðan eru leiðbeiningar um það hvernig velja á í gegnum INNU. Einnig eru upplýsingar um þá áfanga sem verða í boði á vorönn og um framvindu náms á brautum skólans. Gangi ykkur vel með valið!

Leiðbeiningar um val í INNU

Framvinda verknámsbrauta

Framvinda bóknámsbrauta

Áfangar í boði á vorönn 2015

Skrifstofa skólans er opin milli kl. 08:00 og 16:00 frá mánudegi til fimmtudags. Á föstudögum er skrifstofan opin á milli kl. 08:00 og 15:00. Síminn er opinn frá kl. 10:30 - 15:00 alla virka daga, utan þess tíma er hægt að hringja í beina síma sem tilgreindir eru hér að neðan. Veikindi skal tilkynna á netfangið misa@misa.is en önnur erindi má einnig senda á þetta netfang. Undir hlekknum starfsfólk hér til vinstri eru upplýsingar um netföng starfsmanna. 

Beinir símar: 
Skólameistari 450-4401 eða 896-4636
Aðstoðarskólameistari 450-4402
Fjármálastjóri 450-4404 
Húsvörður 864-6577

Selma Björk Hermannsdóttir verður með fyrirlestur fyrir alla nemendur skólans á sal í fundartímanum í dag. Fyrirlesturinn ber yfirskriftina Ást gegn hatri en það er verkefni sem hefur það að markmiði að vinna gegn einelti. Að verkefninu standa félagasamtökin Erindi - samtök um samskipti og skólamál.

Átakið "Hjólum í skólann" er hafið í annað sinn. Dagana 10.-16. september eru nemendur og starfsfólk hvött til þess að hjóla í skólann eða að nýta sér annan virkan ferðamáta. Undir það getur fallið að ganga, hlaupa, fara á línuskautum/hjólabretti, jafnvel almenningssamgöngur, en þá er skráð sú vegalengd sem þarf að ganga til og frá stoppistöð. Nánar er hægt að lesa um átakið á heimasíðunni hjolumiskolann.is 

Í fyrra sigraði Mí keppnina í sínum flokki svo við eigum titil að verja, áfram MÍ!