Hópur nemenda tók þátt í hönnunarkeppni á Gróskudögum. Keppnin fólst í því að hanna og smiða farartæki sem átti að renna niður ákveðinn halla, beygja til vinstri og keyra í gegnum hlið. Umsjónarmenn smiðjunnar voru kennararnir Dóróthea, Friðrik Hagalín, Jóhann, Tryggvi og Þröstur. Ýmis farartæki litu dagsins ljós og fékk hvert lið þrjár tilraunir til að láta sinn vagn renna í gegnum hliðið. Að endingu var það liðið M stóð uppi sem sigurvegari en það skipuðu þeir Andri Þór Kristjánsson og Jakob Fannar Magnússon. Í dómnefnd voru Þröstur Jóhannesson og Guðjón Torfi Sigurðsson.

Myndir frá Gróskudögum eru komnar inn á síðuna. Nemendur í fjölmiðlasmiðju tóku þessar myndir.

Háskólar landsins munu kynna námsframboð sitt í skólanum fimmtudaginn 14. mars kl. 10.30-13.00. Nemendur háskólanna, kennarar og námsráðgjafar taka á móti gestum og miðla af reynslu sinni. Ýmis þjónusta við nemendur verður kynnt, ásamt yfir 500 námsleiðum sem í boði eru. Þeir háskólar sem verða með kynningar eru Háskólinn á Akureyri, Háskólinn á Bifröst, Háskólinn á Hólum, Háskóli Íslands, Háskólinn í Reykjavík. Keilir, Listaháskóli Íslands og Landbúnaðarháskóli Íslands.

Forinnritun nemenda úr 10. bekk hófst mánudaginn 11. mars og stendur til 12. apríl. Umsækjendur geta síðan gert breytingar á umsókn sinni frá 4. maí til 10. júní. Sótt er um í gegnum http://menntagatt.is/

Ein af þeim smiðjum sem voru í gangi á Gróskudögum var Fréttablaðs- og fjölmiðlasmiðja. Nemendur sem tóku þátt í smiðjunni fylgdust með því sem var að gerast í skólanum þessa daga og hafa sett saman fréttablað þar sem er að finna umfjöllun, myndir og viðtöl. Fréttablaðið má nálgast hér. http://solrisa.tumblr.com/

Hér eru upplýsingar um skráningu í smiðjur föstudaginn 8. mars.
Klukkan 8.30

Klukkan 10.30

Klukkan 11.30

Frestur til að skrá sig í smiðjur á Gróskudögum rennur út í dag kl. 10.30. Þeir nemendur sem eiga eftir að velja eru hvattir til að gera það hið fyrsta. Munið að velja að lágmarki eina smiðju í aðalval og eina í varaval á hverjum Gróskudegi.

Leikfélag Menntaskólans á Ísafirði frumsýndi  leikritið Þrek og tár eftir Ólaf Hauk Símonarson föstudagskvöldið 1. mars í Edinborgarhúsinu. Leikfélagið hefur verið við æfingar frá því í byrjun janúar og er mikið lagt í sýninguna en um 50 manns koma að henni. Halldóra Björnsdóttir er leikstjóri verksins og tekst henni afar vel að ná fram því besta hjá leikurum. Leikverkið gerir afdráttarlausar kröfur til tónlistarhæfileika til þorra leikara. Leikendur standast þær kröfur fyllilega og ekki síst hljómsveitin sem náði þessum angurværa tón sem var svo einkennandi fyrir þetta tímabil. Leikhópurinn í heild nær vel að skila fallegri og áhrifamikilli mannlífsmynd. Sýningin í heild er afskaplega skemmtileg og góð. Til hamingju með stórglæsilega sýningu.

 

Tvær sýningar eru nú eftir af sex. Sú fyrri verður kl. 20 í kvöld en einnig hefur verið bætt við miðnætursýningu sem hefst kl. 23. Hægt er að panta miða í síma 450 5555.

 

Jón Reynir Sigurvinsson

skólameistari

 

Dagskár Sólrisuhátíðar er að vanda metnaðarfull. Hún er birt í heild sinni í skólablaðinu sem nú ætti að vera komið í hvert hús hér á svæðinu. Einnig má sjá hana hér fyrir neðan. Dagskráin er birt með fyrirvara um breytingar en eins og veðurútlið er fyrir vikuna er viðbúið að hún raskist eitthvað. Við því mun þó Sólrisunefnd og stjórn NMÍ bregðast eins og hægt er.
Gleðilega Sólrisu!

Sólrisuhátíðin 2013 verður sett í dag og hefst setningarathöfnin á skrúðgöngu frá skólanum kl. 12.30. Gengið verður í Edinborgarhúsið en þar verða skemmtiatriði í boði og einnig kökur og djús eins og hefð er fyrir. Dagskrá hátíðarinnar verður kynnt og fyrsta stóra atriðið er auðvitað frumsýning leikritsins Þrek og tár eftir Ólaf Hauk Símonarson, í leikstjórn Halldóru Rósu Björnsdóttur. Góða skemmtun!