Vélstjórn B

Vélstjórn B (1500kW réttindi eða minna)

 

Næsti dagskólahópur fer af stað í ágúst 2026.

Vélstjórnarnám skiptist í fjögur námsstig; A, B, C og D. A og B stig eru kennd í MÍ. Hvert stig fyrir sig veitir ákveðin réttindi samkvæmt reglugerð 535/2008. Nemendur sem ljúka B réttindum hafa samhliða öðlast rétt til töku sveinsprófs í vélvirkjun að loknu starfsnámi. Nemendur sem ljúka námi til C stigs hafa einnig lokið stúdentsprófi. Vélstjórnarnámið er skipulagt í samræmi við alþjóðlegar kröfur (IMO, STCW) og öðlast nemendur haldgóðan grunn til starfa jafnt til sjós og lands.

Lýsing: Markmið brautarinnar er að veita þeim nemendum, sem ljúka námi, réttindi til að gegna stöðu yfirvélstjóra og 1. vélstjóra á skipum með vélarafl 1500 kW og minna og undirvélstjóra á skipum með 3000 kW vélarafl og minna. Réttindin fást að fullnægðum skilyrðum um siglingatíma og starfsþjálfun. Nemandi, sem kemur beint úr grunnskóla og skráir sig til a.m.k. 1500kW réttinda, öðlast 750kW réttindi eftir 4 annir miðað við eðlilega námsframvindu.

Námsframvinda: Námið er 221 einingar. Meðalnámstími er 3 ár.

Inntökuskilyrði á brautina: Að nemendur hafi lokið eða séu við að ljúka vélstjórnarnámi A.