Farsældarþjónusta

Lög um samþættingu þjónustu í þágu farsældar barna voru samþykkt af Alþingi 22. júní 2021.

Farsæld barna felur í sér að börn og ungmenni fái þann stuðning sem þau þurfa þegar þau þurfa hann. Samkvæmt farsældarlögum (nr. 86/2021) á þjónusta við börn og fjölskyldur að vera samfelld, skipulögð og samræmd. Markmiðið er að tryggja rétta aðstoð á réttum tíma og koma í veg fyrir að börn falli á milli kerfa. Lögin ná til barna undir 18 ára aldri.

Til að óska eftir þjónustu þurfa forsjáraðilar/ungmennið að fylla út eyðublað með umsókn sem þarf að berast til tengiliðs innan skólans. Tilgangurinn er að auka samstarf þjónustuaðila í þágu farsældar ungmennis og tryggja að ungmenni og foreldrar sem á þurfa að halda hafi aðgang að þjónustu við hæfi.

Úrræðalisti MÍ

Tengiliður farsældar 

Tengiliður tekur fyrstur á móti áhyggjum sem varða líðan, þátttöku, aðstæður eða stuðningsþörf nemanda. Ef stuðningur þarf að koma frá fleiri en einum aðila stendur öllum til boða samþætt þjónusta þar sem hann er samræmdur á milli kerfa.

Erna Sigrún Jónsdóttir, náms- og starfsráðgjafi er tengiliður farsældar í MÍ

Til hennar geta nemendur, forsjáraðilar og starfsfólk leitað þegar áhyggjur vakna af líðan, þátttöku, aðstæðum eða stuðningsþörf nemanda. Hún aðstoðar við að meta hvaða stuðningur hentar, miðlar upplýsingum um þjónustu innan og utan skólans og hefur milligöngu um samþætta þjónustu þegar samræma þarf stuðning frá fleiri en einum aðila. Hún styður jafnframt nemendur í námi, við náms- og starfsval og þegar persónuleg mál hafa áhrif á skólagönguna.

Hægt er að senda henni póst á erna@misa.is

Tengiliður hefur hagsmuni ungmennis að leiðarljósi í samstarfi og samráði við foreldra og ungmenni.

Hlutverk tengiliðs er að styðja og einfalda – ekki flækja.

Nánari upplýsingar um þjónustu í þágu farsældar barna, sjá á heimasíðunni farsaeldbarna.is og í þessu stutta kynningarmyndbandi: