ITEI1HG05 - Iðnteikning

Áfangalýsing:

Nemandinn kynnist grunnþáttum í teikni-, lita- og formfræðum. Teiknuð verkefni með mismunandi blýjum og aðferðum. - teiknuð andlit og hárgreiðslur sem byggja á reglu gullinsniðs. Litafræði Ittens kynnt. - gerður samanburður við litastjörnu í hári og verkefni unnin sem tengjast bæði litafræði og hársnyrtinámi. Formfræði skoðuð og sett í samhengi við klippingar og greiðslur. Nemandi þjálfaður í efnis-, upplýsinga- og heimildaöflun, auk varðveislu gagna. Lagður grunnur að námsbók sem sýnir verkefnavinnu og námsframfarir nemanda.

Forkröfur: Engar

Markmið:

Nemandi skal öðlast þekkingu og skilning á:

  • mismunandi blýjum og teikniaðferðum.
  • fjarvídd og skyggingum.
  • gullinsniði.
  • litafræði Itten.
  • grunnformum.
  • mismunandi leiðum og nálgun á heimildaleit og varðveislu gagna.

 

Nemandi skal hafa öðlast leikni í að:

  • þekkja eiginleika mismunandi blýja.
  • skyggja og ná fram fjarvídd í teikningu samkvæmt fyrirmynd.
  • nýta gullinsniðsregluna í teikningu og formfræði.
  • leita að og varðveita gögn og heimildir hvort sem er á veraldarvefnum eða með hugmyndabók.
  • safna gögnum og setja upp í námsbók.

 

Nemandi skal geta hagnýtt þá þekkingu og leikni sem hann hefur aflað sér til að:

  • skynja og sjá tengsl milli þess sem hann sér sem fyrirmynd og verkefna sem unnin eru.
  • ná fram áhrifum, formútfærslum og formgerðum ásamt áferðum fyrirmyndar í verkefnum með mismunandi aðferðum.
  • geta valið sér ákjósanlega leið í varðveislu gagna og framsetningu á efni, bæði á rafrænu og áþreifanlegu formi.