ÍÞRÓ1HH01 - Íþróttir - hreyfing og heilsurækt

Áfangalýsing:

Nemandi stundar líkamsrækt sér til heilsueflingar. Fylgi þar ákveðinni áætlun og hafi einhver markmið að stefna að. Líkamsræktin getur farið fram utan skóla á líkamsræktarstöð eða í formi almenningsíþrótta. Stunda þarf hreyfingu einu sinni til tvisvar í viku yfir önnina að meðaltali, aldrei minna en 20-24 skipti yfir önnina. Oftar er betra. 

Forkröfur: Að hafa lokið 2 einingum í íþróttum.

Markmið:

Nemandi skal öðlast þekkingu og skilning á:

• mismunandi tegundum líkamsræktar og uppsetningu á áætlunum

• eigin frammistöðu

Nemandi skal hafa öðlast leikni í að:

• stunda hreyfingu sem honum finnst skemmtileg  
• meta eigin frammistöðu

• meta hvort sú áætlun sem hann er að fylgja skili þeim árangri sem hann væntir 

Nemandi skal geta hagnýtt þá þekkingu og leikni sem hann hefur aflað sér til að:

• stunda hreyfingu til líkamsræktar sem hann hefur sjálfur skipulagt  

• hugsa um eigið heilbrigði með hollum lífsháttum til framtíðar