Lið MÍ í Gettu betur, Kolbeinn, Friðrik og Dóróthea
MÍ vann i kvöld sigur á Fjölbrautaskóla Vesturlands á Akranesi, 21-20 í afar spennandi keppni í beinni útsendingu á Rás 2. Þar með er MÍ í fyrsta sinn komið í 3. umferð Gettu betur. Liðið, skipað þeim Dórótheu Magnúsdóttur, Friðriki Þóri Hjaltasyni og Kolbeini Sæmundi Hrólfssyni og þjálfarinn þeirra Veturliði Snær Gylfason, er þar með á leið í sjónvarpshluta keppninnar, fyrst MÍ-inga. Til hamingju með glæsilegan árangur.
